ଧରାପଡ଼ିଲା ବଡ଼ ଡକାୟତି ଗ୍ୟାଙ୍ଗ, ଚୋରି ଟଙ୍କା ସହ ସୁନା ରୁପା ଅଳଙ୍କାର ଜବତ

ଭଦ୍ରକ : ସାବରଙ୍ଗ ପୋଲିସକୁ ମିଳିଛି ବଡ଼ ସଫଳତା । ଏକ ବଡ଼ ଡକାୟତି ଗ୍ୟାଙ୍ଗକୁ ଧରିବାରେ ସକ୍ଷମ ହୋଇଛି ପୋଲିସ । ସେମାନଙ୍କ ନିକଟରୁ ଚୋରି ଟଙ୍କା ଓ ସୁନା ରୁପା ଅଳଙ୍କାରକୁ ଜବତ କରିଛି ।

ଗତ ୧୪ ତାରିଖ ଦିନ ସାବରଙ୍ଗ ଥାନା ଅଧିନସ୍ଥ ଚଣ୍ଡୀ ଗାଁ ଗ୍ରାମରେ ଦୁଇ ଜଣଙ୍କ ଘରେ ଡକାୟତି ହୋଇଥିଲା । ଡକାୟତ ମାନେ ଟଙ୍କା ଓ ସୁନା ଅଳଙ୍କାର ଲୁଟି ନେଇଥିଲେ । ଏ ସମ୍ପର୍କରେ ସାବରଙ୍ଗ ପୋଲିସ ପାଖରେ ଅଭିଯୋଗ ପରେ ପୋଲିସ ସାଇଣ୍ଟିଫିକ ଟିମ ସହିତ ଏହି ଘଟଣାର ଅଧିକ ତଦନ୍ତ କରୁଥିଲେ । ପରେ ଏହି ଚୋରି ଘଟଣାରେ ପଗଡ଼ ଗ୍ରାମର ଅଜୁଦାସ, ରାଜୁ ଦାସ, ରାମୁ ଦାସ, କେନ୍ଦ୍ରାପଡ଼ା ଜିଲ୍ଲାର ବଳିଆ ଦାସ, ଇତଗଡି ଗ୍ରାମର ଦୁଖା ଦାସ ସମ୍ପୃକ୍ତ ଥିବା ଜାଣି ପୋଲିସ ସେମାନଙ୍କୁ କାବୁ କରି ଥାନାକୁ ଆଣି ପଚରାଉଚରା କରିବା ପରେ ଘଟଣାର ଫର୍ଦାଫାଶ ହୋଇଥିଲା ।

ସେମାନେ ଚୋରି କରିଥିବା ସୁନା ଓ ରୁପା ଅଳଙ୍କାର ସହିତ ସେମାନଙ୍କ ନିକଟରୁ ୩ ଗୋଟି ମୋଟର ସାଇକେଲ, କଟୁରୀ, ଭୁଜାଲିକୁ ଜବତ କରିବା ସହିତ ତାଙ୍କୁ ଗିରଫ କରିଥିଲେ। ପରେ ଏହି ଚୋରି ଜିନିଷ କିଣା ବିକାରେ ସମ୍ପୃକ୍ତ ଥିବା ବାଲେଶ୍ୱର ଜିଲ୍ଲା ସିମୁଳିଆ ଥାନା ବେଗୁନିଆ ଗ୍ରାମର ରମାକାନ୍ତ ସାହୁଙ୍କୁ ପୋଲିସ ଗିରଫ କରିଛି । ତେବେ ଏହି ଡକାୟତ ମାନେ ପୂର୍ବରୁ କେତେକ ଅପରାଧରେ ସମ୍ପୃକ୍ତ ଥିବା ପୋଲିସ କହିଛି । ସେମାନଙ୍କୁ ଆଜି କୋର୍ଟ ଚାଲାଣ କରାଯିବା ସହିତ ପୋଲିସ ଅଧିକ ତଦନ୍ତ କରୁଥିବା ସାବରଙ୍ଗ ଥାନାରେ ଆୟୋଜିତ ଏକ ସାମ୍ବାଦିକ ସମ୍ମିଳନୀ ରେ ଏସ ଡି ପି ଓ ପ୍ରକାଶ କରିଛନ୍ତି ।