ଏଟିଏମ ଲୁଟ ଉଦ୍ୟମ ବିଫଳ, ସଟରର ତାଲା ନ ଖୋଲିବାରୁ ଫେରିଗଲେ ଲୁଟେରା
କାମାକ୍ଷାନଗର: ଏଟିଏମ ଲୁଟ ଉଦ୍ୟମ ବିଫଳ । ଢେଙ୍କାନାଳ -କାମାକ୍ଷାନଗର ପୂର୍ତ୍ତ ବିଭାଗ ରାସ୍ତାର ଅଁଳାବେରେଣୀ ସ୍ଥିତ ବ୍ୟାଙ୍କ ଅଫ ବରୋଦାର ଏଟିଏମ ଲୁଟ ଉଦ୍ୟମ । ଏଟିଏମର ସଟରର ତାଲା ନ ଖୋଲିବାରୁ ଲୁଟ୍ ନ କରି ଫେରିଗଲେ ଲୁଟେରା । ସିସିଟିଭିରେ ପୂରା ଦୃଶ୍ୟ କଏଦ ହୋଇଛି ।
ଗତକାଲି ବିଳମ୍ବିତ ରାତିରେ କିଛି ଦୁର୍ବୃତ୍ତ ଏଟିଏମର ତାଲା ଭାଙ୍ଗିବା ସହ ଏଟିଏମ ବାହାରେ ଲାଗିଥିବା ସିସିଟିଭିରେ କଲର ସ୍ପ୍ରେ କରି ଲୁଟ ଉଦ୍ୟମ କରିଥିଲେ । ସଟରର ତାଲା ଖୋଲି ନପାରିବାରୁ ଲୁଟ ଉଦ୍ୟମରେ ବିଫଳ ହୋଇଛନ୍ତି ଦୁର୍ବୃତ୍ତ । ଆଜି ସକାଳୁ ଏ ସମ୍ପର୍କରେ ଖବର ପାଇ ବ୍ୟାଙ୍କ ମ୍ୟାନେଜର ଓ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ପୋଲିସକୁ ଖବର ଦେଇଛନ୍ତି । ତୁମୁସିଙ୍ଗା ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।