ଯୁବ କଂଗ୍ରେସ ନେତା ସେକ୍ ଅଜଗର ଅଲ୍ଲୀଙ୍କ ଉପରେ ଆକ୍ରମଣ
ବାଲେଶ୍ବର(କେନ୍ଯୁଜ୍) : ବାଲେଶ୍ୱରରେ ଯୁବ କଂଗ୍ରେସ ନେତା ସେକ୍ ଅଜଗର ଅଲ୍ଲୀଙ୍କୁ ଆକ୍ରମଣ । ଗୁରୁତର ଅବସ୍ଥାରେ ପ୍ରଥମେ ବାଲେଶ୍ୱର ମୁଖ୍ୟ ଚିକିତ୍ସାଳୟ ଓ ପରେ ତାଙ୍କୁ କଟକ ସ୍ଥାନାନ୍ତର କରାଯାଇଛି । ପୂର୍ବରୁ ମହରମ୍ ପର୍ବ ପାଇଁ ହୋଇଥିବା ଛୁରା ମାଡ଼ ଘଟଣାରେ ଉଭୟ ଗୋଷ୍ଠୀ ମଧ୍ୟରେ ତିକ୍ତତା ଲାଗି ରହିଥିଲା । ଘଟଣାର ସମାଧାନ ଅଜଗର ଅଲ୍ଲୀ ଉଭୟ ଗୋଷ୍ଠୀଙ୍କୁ ନେଇ ଆଲୋଚନା କରିଥିଲେ । ଆକ୍ରମଣକାରୀ ଯୁବକମାନେ ଆତ୍ମସମର୍ପଣ କରନ୍ତୁ ବୋଲି କହିଥିଲେ । ଏଥିପାଇଁ ତାଙ୍କ ଉପରେ ଆକ୍ରମଣ କରାଯାଇଥିବା ସେ କହିଛନ୍ତି । ଗତ ରାତିରେ ଗୋଳାପୋଖରୀ ନିକଟରେ କିଛି ଯୁବକ ତାଙ୍କୁ ଆକ୍ରମଣ କରିଛନ୍ତି । ପୋଲିସ ଘଟଣାର ତଦନ୍ତ କରୁଛି ।