ମଧ୍ୟାନ୍ନ ଭୋଜନ ଦୁର୍ନୀତି ଅଭିଯୋଗରେ ବାଙ୍କୀ ପ୍ରାଥମିକ ସ୍କୁଲ ପ୍ରଧାନ ଶିକ୍ଷକ ନିଲମ୍ବିତ
ବାଙ୍କୀ: କଟକ ଜିଲ୍ଲା ବୈଦେଶ୍ୱର ପଞ୍ଚାୟତର କୋଟ ପ୍ରାଥମିକ ସ୍କୁଲର ପ୍ରଧାନଶିକ୍ଷକ ପ୍ରକାଶ ମହାପାତ୍ରଙ୍କୁ ନିଲମ୍ବନ କରାଯାଇଛି । କଟକ ଏମଡିଏମ ବା ଅତିରିକ୍ତ ଜିଲ୍ଲାପାଳ ଚାଉଳ ଚୋରି ସହିତ ଅନିୟମିତତା ଅଭିଯୋଗର ତଦନ୍ତ କରିବା ପରେ ପ୍ରଧାନ ଶିକ୍ଷକଙ୍କୁ ନିଲମ୍ବନ କରିଛନ୍ତି । ପରେ ଏ ସମ୍ପର୍କରେ ବାଙ୍କୀ ବିଇଓ ସୂଚନା ଦେଇଛନ୍ତି । ନିକଟରେ ମଧ୍ୟାହ୍ନ ଭୋଜନ ଚାଉଳ ଚୋରି ଘଟଣାରେ ଗାଁ ଲୋକେ ସ୍କୁଲ ସମ୍ମୁଖରେ ଦୀର୍ଘ ସମୟ ଧରି ବିକ୍ଷୋଭ ପ୍ରଦର୍ଶନ କରିଥିଲେ । ଏ ସଂପର୍କିତ ଖବର ଗଣ ମାଧ୍ୟମରେ ପ୍ରସାରଣ ପରେ ବିଇଓ ତଦନ୍ତ ନିର୍ଦ୍ଦେଶ ଦେଇଥିଲେ । ତଦନ୍ତ ପରେ ସ୍କୁଲର ପ୍ରଧାନଶିକ୍ଷକ ପ୍ରକାଶ ମହାପାତ୍ରଙ୍କୁ ଚାକିରୀରୁ ନିଲମ୍ବିତ କରାଯାଇଛି ।
