ବ୍ରହ୍ମପୁର (କେନ୍ୟୁଜ): ଇଚ୍ଛା ଥିଲା ଦିନେ ଆର୍ମି ଅଫିସର ହେବେ । ଆଜି ସତକୁ ସତ ସେ ହୋଇଯାଇଛନ୍ତି ଆର୍ମି ଅଫିସର । ତାପୁଣି ଲେଫ୍ଟନାଣ୍ଟ ଆର୍ମି ଅଫିସର । ସ୍ୱପ୍ନକୁ ସତ କରିବା ପଛର ମୂଳମନ୍ତ୍ର ହେଉଛି ପ୍ରଚେଷ୍ଟା । ଚେଷ୍ଟା କଲେ କୌଣସି ବି ଅସମ୍ଭବକୁ ସମ୍ଭବ କରିହୁଏ । ଯାହାକୁ କରି ଦେଖାଇଛନ୍ତି ଦେବୀଦତ୍ତ । ଏବେ ଆପଣ ଭାବୁଥିବେ ଏ ଦେବୀଦତ୍ତ କିଏ । ତେବେ ଆପଣଙ୍କୁ ଆମେ ଆଜି ଦେବୀଦତ୍ତଙ୍କ ବିଷୟରେ ହିଁ ଜଣାଇବୁ। ଯିଏ କି ନିଜ ସ୍ୱପ୍ନକୁ ସତ କରିବାରେ ହୋଇଛନ୍ତି ସଫଳ ।
ବ୍ରହ୍ମପୁର ସହରର ଅଯୋଧ୍ୟାନଗର ତୃତୀୟ ଲାଇନର ଯୁବକ ଦେବୀଦତ୍ତ ପଟ୍ଟନାୟକ ସଫଳତାର ଶିଖର ଛୁଇଁଛନ୍ତି । ୨୦୨୦ ମସିହାରେ ନ୍ୟାସନାଲ୍ ଡିଫେନ୍ସ ଏକାଡେମୀ (ଏନଡିଏ) ପରୀକ୍ଷାରେ ସର୍ବଭାରତୀୟ ସ୍ତରରେ କୃକତାର୍ଯ୍ୟ ହେବା ପରେ ସଫଳତାର ସହ ୪ ବର୍ଷର ତାଲିମ ଶେଷ କରି ଭାତୀୟ ସ୍ଥଳ ସେନାର ଅଫିସର ଭାବେ ଯୋଗ ଦେବାକୁ ଯାଉଛନ୍ତି ।
ତିନି ବର୍ଷ ନ୍ୟାସନାଲ ଡିଫେନସ ଏକାଡେମୀ ପୁଣେରେ ତାଲିମ ଶେଷ କରିଥିବା ବେଳେ ଇଣ୍ଡିଆନ ମିଲିଟାରୀ ଏକାଡେମୀ ଡେରାଡୁନରେ ଏକ ବର୍ଷର କଠିନ ତାଲିମକୁ ସଫଳତାର ସହ ଶେଷ କରିଥିଲେ । ଟ୍ରେନିଂ ଶେଷ ହେବା ପରେ ଚଳିତ ମାସ ଆସନ୍ତା ୩୦ ତାରିଖରେ କାଶ୍ମୀର ଲେ’ ରେ ଆର୍ମୀ ଏୟାର୍ ଡିଫେନସରେ ଅଫିସର ଭାବେ ଯୋଗ ଦେବେ ।
ତେବେ ଦେବୀଦତ୍ତ ହେଉଛନ୍ତି ବ୍ରହ୍ମପୁର ସହରର ଓକିଲ ପ୍ରିୟ ରଞ୍ଜନ ପଟ୍ଟନାୟକଙ୍କ ପୁଅ । ସେ ଏହି ସଫଳତାର ଶ୍ରେୟ ବାପା ମା’ଙ୍କ ସମେତ ବନ୍ଧୁବାନ୍ଧବ ଓ ପରିବାରବର୍ଗଙ୍କୁ ଦେଇଛନ୍ତି । ଏହା ସହ ଦେଶ ସେବା କରିବା ଲାଗି ମିଳିଥିବା ସୁଯୋଗକୁ ସୁଚାରୁ ରୂପେ ତୁଲାଇବା ସହ ନିଜ ଦାୟିତ୍ୱକୁ ଠିକ୍ ତୁଲାଇବେ ବୋଲି ଦେବୀଦତ୍ତ ନିଜ ପ୍ରତିକ୍ରିୟାରେ କହିଛନ୍ତି । ଦେବୀଦତ୍ତଙ୍କ ଏହି ସଫଳତା ଯୁବପୀଢ଼ିଙ୍କ ପାଇଁ ଏହା ଏକ ପ୍ରେରଣା ହୋଇଥିବା ବେଳେ ଦେବୀଦତ୍ତଙ୍କ ସଫଳତା ପାଇଁ ପରିବାର ଲୋକେ ବେଶ ଗର୍ବିତ । ଦେବିଦତ୍ତଙ୍କ ଏହି ସଫଳତା ପରେ ବିଭିନ୍ନ ମହଲରୁ ତାଙ୍କୁ ଶୁଭେଚ୍ଛାର ସୁଅ ଛୁଟୁଛି ।
ଭୁବନେଶ୍ୱର: ଆଜିଠୁ ୪ଦିନ ଯାଏ ବର୍ଷା । ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ବର୍ଷା ସମ୍ଭାବନା ରହିଛି । ବଙ୍ଗୋପସାଗରରେ…
ନୂଆଦିଲ୍ଲୀ: ଆଜି ଲୋକସଭା ବାଚସ୍ପତି ନିର୍ବାଚନ । ସ୍ଵାଧୀନତା ପରେ ପ୍ରଥମ ଥର ପାଇଁ ଲୋକସଭା ବାଚିସ୍ପତି ପଦବୀ ପାଇଁ…
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…