ସିବିଏସଇର ବଡ଼ ପରିବର୍ତ୍ତନ। ପ୍ରଥମେ ମିଳିବ ଉତ୍ତର ଖାତା, ତା’ପରେ ହେବ ରିଭାଲ୍ୟୁଏଶନ!। କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (CBSE) ଦଶମ ଏବଂ ଦ୍ୱାଦଶ ବୋର୍ଡ ପରୀକ୍ଷା ପରେ ପୁନଃମୂଲ୍ୟାୟନ ପ୍ରକ୍ରିୟାରେ ଏକ ବଡ଼ ପରିବର୍ତ୍ତନ କରିଛି। ସିବିଏସଇ ଦ୍ୱାରା ଦଶମ ଏବଂ ଦ୍ୱାଦଶ ଶ୍ରେଣୀର ଫଳାଫଳ ଖୁବ ଶୀଘ୍ର ଘୋଷଣା କରାଯିବ। ଲକ୍ଷ ଲକ୍ଷ ଛାତ୍ରୀଛାତ୍ର ଫଳାଫଳ ପାଇଁ ଅପେକ୍ଷା କରିଛନ୍ତି।
ଫଳାଫଳ ପ୍ରକାଶନ ତାରିଖ ପୂର୍ବରୁ ବୋର୍ଡ ଏହି ବଡ଼ ନିଷ୍ପତ୍ତି ନେଇଛି ବୋଲି କୁହାଯାଉଛି। ଛାତ୍ରୀଛାତ୍ରମାନଙ୍କୁ ଅଧିକ ସ୍ବଚ୍ଛତା ଏବଂ ଆତ୍ମନିର୍ଭରଶୀଳତା ଦେବା ଲକ୍ଷ୍ୟରେ ଏହି ପରିବର୍ତ୍ତନ କରାଯାଇଛି। ଛାତ୍ରୀଛାତ୍ରମାନେ ପ୍ରଥମେ CBSEରୁ ସେମାନଙ୍କର ମୂଲ୍ୟାଙ୍କିତ ଉତ୍ତର ଖାତାର ଫଟୋକପି ପାଇବେ। ପରେ ସେମାନେ ଦେଖିପାରିବେ ଯେ କେଉଁ ଉତ୍ତର ପାଇଁ କେତେ ମାର୍କ ମିଳିଛି ଏବଂ କେଉଁ ପ୍ରଶ୍ନ ପାଇଁ କେତେ କଟାଯାଇଛି।
ଏହି ସ୍ବଚ୍ଛତା ସେମାନଙ୍କୁ ମାର୍କ ଯାଞ୍ଚ କିମ୍ବା ପୁନଃମୂଲ୍ୟାୟନ ପାଇଁ ଆବେଦନ କରିବାକୁ ନିଷ୍ପତ୍ତି ନେବାରେ ସାହାଯ୍ୟ କରିବ। ପୂର୍ବରୁ ଛାତ୍ରୀଛାତ୍ରମାନଙ୍କୁ ପ୍ରଥମେ ମାର୍କ ଯାଞ୍ଚ ପାଇଁ ଆବେଦନ କରିବାକୁ ପଡୁଥିଲା। ଏହା ପରେ ସେମାନେ ଫଟୋକପି ପାଇପାରିବେ ଏବଂ ତା’ପରେ ଅନ୍ତିମ ପର୍ଯ୍ୟାୟରେ ପୁନଃମୂଲ୍ୟାୟନ ପ୍ରକ୍ରିୟା ଆରମ୍ଭ ହେବ। କିନ୍ତୁ ଏବେ ଏଥିରେ ପରିବର୍ତ୍ତନ କରାଯାଇଛି।