ବିଜେପୁର ଆସନରୁ ନାମାଙ୍କନ ଦାଖଲ କଲେ ବିଜେଡି ପ୍ରାର୍ଥୀ ରୀତା ସାହୁ

ବିଜେପୁର (କେନ୍ୟୁଜ୍‌): ହାଟ୍ରିକ ବିଜୟ ଲକ୍ଷ୍ୟ ନେଇ ନାମାଙ୍କନ କଲେ ବିଜେପୁର ବିଜେଡି ପ୍ରାର୍ଥିନୀ ରୀତା ସାହୁ। ପ୍ରାର୍ଥିପତ୍ର ଦାଖଲ ଅବସରରେ ଶକ୍ତି ପ୍ରଦର୍ଶନ କରିଛନ୍ତି ରୀତା ସାହୁ । ୨୦୧୮ ଉପନିର୍ବାଚନରେ ବିଜେପିର ଅଶୋକ ପାଣିଗ୍ରାହୀଙ୍କ ଠାରୁ ୪୧ ହଜାର ୯୩୨ ଖଣ୍ତ ଭୋଟ ବ୍ୟବଧାନରେ ସେ ବିଜୟୀ ହୋଇଥିଲେ । ୨୦୧୯ ସାଧାରଣ ନିର୍ବାଚନରେ ରୀତା ସାହୁଙ୍କ ସ୍ଥାନରେ ଖୋଦ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଜେପୁର ପ୍ରାର୍ଥୀ ହୋଇ ବିଶାଳ ବ୍ୟବଧାନରେ ବିଜୟୀ ହୋଇଥିଲେ । ମୁଖ୍ୟମନ୍ତ୍ରୀ ବିଜେପୁର ଆସନ ଛାଡିବା ପରେ ଉପନିର୍ବାଚନ ହୋଇଥିଲା । ରୀତା ସାହୁ ବିଜେପିର ସନତ ଗଡ଼ତିଆଙ୍କୁ ପାଖାପାଖି ଲକ୍ଷେ ଭୋଟ ବ୍ୟବଧାନରେ ହରାଇ ପୁଣି ବିଧାନସଭାକୁ ନିର୍ବାଚିତ ହୋଇଥିଲେ ।