ନଭେମ୍ବରରୁ ରାଜ୍ୟ ବୁଲିବେ ବିଜେଡି ସୁପ୍ରିମୋ, ବିରୋଧରେ ବିଜେପି ରାଜ୍ୟ ସଭାପତିଙ୍କ ପ୍ରତିକ୍ରିୟା
ଭୁବନେଶ୍ୱର : ନଭେମ୍ବରରୁ ରାଜ୍ୟ ବୁଲିବେ ବିଜେଡି ସୁପ୍ରିମୋ । ବିଭିନ୍ନ ଜିଲ୍ଲା ଗସ୍ତ କରିବେ ନବୀନ ପଟ୍ଟନାୟକ । ଜନସାଧାରଣଙ୍କ ସାଥୀରେ ଯୋଡି ହେବା ପାଇଁ ବିଭିନ୍ନ ଜିଲ୍ଲା ଗସ୍ତ କରିବେ । ଲୋକଙ୍କ ନେତା ନବୀନ । ତେଣୁ ଲୋକଙ୍କ ପାଖକୁ ଯାଇ ସୁବିଧା ଅସୁବିଧା ବୁଝିବେ। ଏହା ସହ ସଂଗଠନ ଓ କର୍ମୀଙ୍କୁ ସକ୍ରିୟ କରିବାକୁ ପରାମର୍ଶ ଦେବେ। ଏବେ ବି ଲୋକଙ୍କ ହୃଦୟରେ ଅଛନ୍ତି ନବୀନ ପଟ୍ଟନାୟକ। ସବୁବେଳେ ଓଡିଶାର ବିକାଶ ପାଇଁ କାମ କରୁଛନ୍ତି। ଓଡ଼ିଶାର ବିକାଶ ନବୀନଙ୍କ ଲକ୍ଷ୍ୟ ବୋଲି କହିଛନ୍ତି ଦେବୀ ମିଶ୍ର ।
ତେବେ ନବୀନଙ୍କ ସାରା ରାଜ୍ୟ ବୁଲିବା ପ୍ରସଙ୍ଗରେ ବିଜେପି ରାଜ୍ୟ ସଭାପତି ରଖିଛନ୍ତି ପ୍ରତିକ୍ରିୟା । ବିରୋଧୀ ଦଳ ନେତା ଭାବରେ ନବୀନ ବୁଲିବା ଉଚିତ । ବୁଲିଲେ କଣ କଣ କାମ କରିଛନ୍ତି ବା କରିନାହାନ୍ତି ତାର ସମୀକ୍ଷା ହେବ । ଏବଂ ସେ ସିଧା ଲୋକଙ୍କ ସହିତ ମିଶିଲେ ତାଙ୍କର ଅଭିଜ୍ଞତା ମଧ୍ୟ ହେବ । ଯେମିତି ବୁଲନ୍ତୁ, କିନ୍ତୁ ବୁଲିବା ଉଚିତ ଓ ଲୋକଙ୍କ ସହିତ ମିଶିବା ଉଚିତ । 24 ବର୍ଷ ଭିତରେ ନବୀନ ଯେଉଁ ଅଞ୍ଚଳ ବୁଲି ନାହାନ୍ତି ସେସବୁ ସ୍ଥାନ ବୁଲିବା ଉଚିତ ବୋଲି ପ୍ରତିକ୍ରିୟା ରଖିଛନ୍ତି ରାଜ୍ୟ ବିଜେପି ସଭାପତି ମନମୋହନ ସାମଲ ।
