ପାରିବାରିକ କଳହ ଯୋଗୁ ଭାଇକୁ ହତ୍ୟା କଲା ଭାଇ, ସାଇଣ୍ଟିଫିକ ଟିମର ତଦନ୍ତ
କଟକ: ଭାଇକୁ ମାରିଲା ଭାଇ । ବଡ ଭାଈର ଫାଉଡା ଚୋଟରେ ସାନଭାଇର ମୃତ୍ୟୁ ହୋଇଛି । କଟକ ଜିଲ୍ଲା ଗୁରୁଡିଝାଟିଆ ଥାନା ଖିରିଖିଆ ଗାଁରେ ଅଭାବନୀୟ ଘଟିଛି । ଗତକାଲି ସନ୍ଧ୍ୟାରେ ବେହେରା ବଦରା ସହ ସାନଭାଇ ବର୍ଜୁ ବଦରାଙ୍କ ଝଗଡ଼ା ହୋଇଥିଲା । ବଡଭାଇ ସାନ ଭାଇକୁ ଫାଉଡାରେ ଅତି ନିର୍ମମ ଭାବେ ପିଟିପିଟି ହତ୍ୟା କରିଥିଲା ।
ଖବର ପାଈ ଗୁରୁଡିଝାଟିଆ ପୋଲିସ ଘଟଣା ସ୍ଥଳରେ ପହଞ୍ଚିବା ସହ କଟକ ଜିଲ୍ଲାର ଗ୍ରାମାଞ୍ଚଳ ଏସପି ପ୍ରତୀକ ସିଂ ମଧ୍ୟ ଘଟଣା ସ୍ଥଳରେ ପହଞ୍ଚି ହତ୍ୟା ଘଟଣାର ଅନୁଧ୍ୟାନ କରିଛନ୍ତି । ହତ୍ୟା ପରେ ବଡ ଭାଈକୁ ଥାନାରେ ଅଟକ ରଖି ପଚରାଉଚରା କରୁଛି ଗୁରୁଡିଝାଟିଆ ପୋଲିସ୍ । ଘଟଣାସ୍ଥଳରେ କଟକରୁ ସାଇଣ୍ଟଫିକ୍ ଟିମ୍ ପହଞ୍ଚି ଯାଞ୍ଚ କରିଛି ।