ଭୁବନେଶ୍ବର(କେନ୍ଯୁଜ୍): କମିଶନରେଟ୍ ପୋଲିସ କବ୍ଜାରେ ବ୍ରାଉନସୁଗର ବେପାରୀ। ୨୫୪ ଗ୍ରାମ ବ୍ରାଉନସୁଗର ଜବତ। ଯାହାର ଆନୁମାନିକ ମୂଲ୍ୟ ୨୫ ଲକ୍ଷ ଟଙ୍କାରୁ ଅଧିକ ହେବ। ଆନନ୍ଦ କୁମାର ନାମକ ଜଣେ ବେପାରୀକୁ ଗିରଫ କରିଛି ପୋଲିସ। ଭୁବନେଶ୍ୱର ସୁନ୍ଦରପଦା ସ୍ଥିତ ହାଇଟେକ୍ ଛକରେ ଡିଲ୍ ବେଳେ ମାଡି ବସିଲେ ଏୟାର ଫିଲ୍ଡ ଥାନା ପୋଲିସ। ଆନନ୍ଦ କୁମାର ନିକଟରୁ ୭୬୧୦ ଟଙ୍କା ସହ ଗୋଟିଏ ମୋବାଇଲ୍ ଜବତ ହୋଇଛି। ଟାର୍ଗେଟ୍ରେ ଥିଲେ ଯୁବକ , କଲେଜ ଛାତ୍ର । ଆନନ୍ଦ କୁମାରଙ୍କ ଘର ଉତ୍ତରପ୍ରଦେଶରେ ବୋଲି ଜଣାପଡିଛି।
ଅବକାରୀ ବିଭାଗକୁ ମିଳିଥିଲା ବଡ଼ ସଫଳତା:
ସୂଚନା ଥାଉକି, ଗତକାଲି ୨୨ ତାରିଖ ଦିନ ଅବକାରୀ ବିଭାଗକୁ ବଡ଼ ସଫଳତା ମିଳିଥିଲା । ୨ କିଲୋ ଏକ ଶହ ଗ୍ରାମ ବ୍ରାଉନ ସୁଗର ଜବତ କରାଯାଇଥିଲା। ବ୍ରାଉନସୁଗର ସହ ୧ ଲକ୍ଷ ୭୫ ହଜାର ଟଙ୍କା ଜବତ କରିଥିଲା ବିଭାଗ। ଏହି ଘଟଣାରେ ଅବକାରୀ ବିଭାଗ ୩ ଜଣଙ୍କୁ ଗିରଫ କରିଥିବା ବେଳେ ଗିରଫ ବ୍ୟକ୍ତିଙ୍କ ସମ୍ପର୍କୀୟମାନେ କର୍ମଚାରୀଙ୍କୁ ଆକ୍ରମଣ କରି ଜଣେ ଅଭିଯୁକ୍ତକୁ ଛଡାଇ ନେବାରେ ସକ୍ଷମ ହୋଇଥିଲେ। ବିଭାଗ କବଜାରୁ ଫେରାର ହୋଇଥିବା ଅଭିଯୁକ୍ତ ହେଉଛି ଏସ କେ ସଲିମ। ଅବକାରୀ କମିଶନର ଆଶିଷ ସିଂଙ୍କ ନିର୍ଦ୍ଦେଶ କ୍ରମେ ବସ୍ତା ଥାନା ବିଦ୍ୟାଧରପୁରରେ ଚଢ଼ାଉ କରିଥିଲା ଅବକାରୀ ବିଭାଗ।
ହି ଚୋରା ବ୍ୟବସାୟର ରାଣୀ କାର୍ପେଟଦାର ଭାବେ ପରିଚିତ ନୁର ଯାହାନ ବିବି ଓ ତାର ଭାଇ ଏସକେ ଆଶାଦୁଲ କାଦରି ଗିରଫ କରିଥିଲା। ଏମାନଙ୍କ ସହ ଅନ୍ୟତମ ଅଭିଯୁକ୍ତ ଏସ କେ ସଲିମକୁ ଗିରଫ କରି ଆଣୁଥିବା ବେଳେ ଅବକାରୀ ବିଭାଗର କର୍ମଚାରୀ ଓ ଗାଡିକୁ ଆକ୍ରମଣ କରିଥିଲେ ସଲିମର ସମ୍ପର୍କୀୟ। ଗାଡିକୁ ଭଙ୍ଗାରୁଜା କରିଥିବା ବେଳେ ୪ ଜଣ ଅବକାରୀ କର୍ମଚାରୀ ଆହତ ହୋଇଥିଲେ। ଏଭଳି ଆକ୍ରମଣ ଓ ଅଭିଯୁକ୍ତକୁ ଛଡାଇ ନେବା ସଂକ୍ରାନ୍ତରେ ବସ୍ତା ଥାନାରେ ଅବକାରୀ ବିଭାଗ ପକ୍ଷରୁ ଏକ ମାମଲା ଦାୟର ମଧ୍ୟ ହୋଇଛି। ଅନ୍ୟ ଦୁଇ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି।