ବାହାନଗା ବଜାର ରେଳ ଦୁର୍ଘଟଣାରେ ସିବିଆଇର ଚାର୍ଜସିଟ ଦାଖଲ

ବାହାନଗା ବଜାର ରେଳ ଦୁର୍ଘଟଣାରେ ସିବିଆଇର ଚାର୍ଜସିଟ ଦାଖଲ। ରେଳବାଇର ତିନି ଗିରଫ ଅଧିକାରୀଙ୍କ ବିରୋଧରେ ଚାର୍ଜସିଟ ଦାଖଲ କଲା ତଦନ୍ତକାରୀ ସଂସ୍ଥା। ତତ୍କାଳୀନ ସିଗ୍ ନାଲ ଇନ୍ ଚାର୍ଜ ଅରୁଣ କୁମାର ମହାନ୍ତ, ସୋର ସିଗ୍ ନାଲ ଇନ୍ ଚାର୍ଜ ଅମୀର ଖାନ ଓ ଟେକନିସିଆନ ପପୁ କୁମାରଙ୍କ ନାଁରେ ଚାର୍ଜସିଟ ଦାଖଲ ହୋଇଛି।

ଆଇପିସିର ଧାରା ୩୦୪ର ସବସେକ୍ସନ ୨ ଏବଂ ରେଳବାଇର ଧାରା ୩୪ ଓ ୨୦୧ରେ ତିନି ଅଧିକାରୀଙ୍କୁ ଦୋଷୀ ସାବ୍ୟସ୍ତ କରି ଚାର୍ଜସିଟ ଦାଖଲ କରାଯାଇଛି। ଏହି ତିନି ଅଧିକାରୀଙ୍କୁ ଜୁଲାଇ ୭ତାରିଖରେ ଗିରଫ କରାଯାଇଥିଲା ।

ଜୁନ ୨ତାରିଖରେ ବାଲେଶ୍ବର ଜିଲ୍ଲା ବାହାନଗା ବଜାର ରେଳ ଷ୍ଟେସନ ଠାରେ କରମଣ୍ଡଳ ଏକ୍ସପ୍ରେସ ଦୁର୍ଘଟଣା ଗ୍ରସ୍ତ ହୋଇଥିଲା। ଦୁର୍ଘଟଣା ପରେ ଜୁନ ୩ତାରିଖରେ ଜିଆରପି ବାଲେଶ୍ବର ମାମଲା ରୁଜୁ କରିଥିଲା।

ପରେ ରାଜ୍ୟ ସରକାରଙ୍କ ସମ୍ମତିରେ ଓ ରେଳବାଇର ଅନୁରୋଧ ପରେ ଜୁନ ୬ତାରିଖରେ ମାମଲାର ତଦନ୍ତ ଭାର ସିବିଆଇକୁ ହସ୍ତାନ୍ତର କରାଯାଇଥିଲା। ଦୁର୍ଘଟଣାରେ ୨୯୫ ଜଣ ପ୍ରାଣ ହରାଇଥିଲେ। ଏହା ପଛରେ ଏକ ବଡ଼ ଧରଣର ଷଡ଼ଯନ୍ତ୍ର ନେଇ ତଦନ୍ତ କରିଥିଲା ସିବିଆଇ।