ପରିବା ବ୍ୟବସାୟୀଙ୍କ ଚାଳ ଘରେ ତଳେ ବସିଲେ ମୁଖ୍ୟମନ୍ତ୍ରୀ, ଖାଇଲେ କୋଳଥ ଡାଲି, ଶାଗ ଭଜା, କଖାରୁ ଫୁଲ ଭଜା, ବଡି ଚୁରା
କଟକ : ଚାଳ ଘରେ, ତଳେ ବସି ଖାଇଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ଆଜି କଟକ ତେଲେଙ୍ଗାପେଣ୍ଠ ଅଢ଼ଙ୍ଗଡିହ ଗ୍ରାମରେ ଦେଖିବାକୁ ମିଳିଥିଲା ଏଭଳି କିଛି ଦୃଶ୍ୟ । ଜଣେ ପରିବା ବ୍ୟବସାୟୀ ଅନ୍ତର୍ଯ୍ୟାମୀ ବେହେରାଙ୍କ ଘରକୁ ଯାଇ ମଧ୍ୟାହ୍ନ ଭୋଜନ କରିଥିଲେ ମୁଖ୍ୟମନ୍ତ୍ରୀ । ମୁଖ୍ୟମନ୍ତ୍ରୀଙ୍କ ସହ କଟକ ସଦର ବିଧାୟକ ପ୍ରକାଶ ଚନ୍ଦ୍ର ସେଠୀ ଓ ବିଜେପିର କଟକ ଜିଲ୍ଲା ସଭାପତି ରାମ ନାରାୟଣ ମହାନ୍ତି ମଧ୍ୟ ବସି ଭୋଜନ କରିଥିଲେ ।
ଉଷୁନା ଭାତ, କୋଳଥ ଡାଲି, ଶାଗ ଭଜା, କଖାରୁ ଫୁଲ ଭଜା, ବଡି ଚୁରା, ବାଇଗଣ ଭଜା, ଚିକେନ, ପତ୍ର ପୋଡ଼ା ମାଛ ସାଙ୍ଗକୁ ପ୍ରସ୍ତୁତ ହୋଇଥିଲା ଅନ୍ୟାନ୍ୟ ବ୍ୟଞ୍ଜନ । ବେଶ୍ ଆଗ୍ରହର ସହିତ ଭୋଜନ କରିଥିଲେ ମୁଖ୍ୟମନ୍ତ୍ରୀ । ମୁଖ୍ୟ ମନ୍ତ୍ରୀଙ୍କୁ ନିଜ ଘରେ ଅତିଥି ଭାବରେ ପାଇ ବେଶ୍ ଖୁସି ଥିଲେ ପରିବାରବର୍ଗ ।
