ଆଜି ବଲାଙ୍ଗିର ଗସ୍ତରେ ଯିବେ ମୁଖ୍ୟମନ୍ତ୍ରୀ, ବିଭିନ୍ନ ସରକାରୀ ଓ ଦଳୀୟ କାର୍ଯ୍ୟକ୍ରମରେ ଦେବେ ଯୋଗ

ଭୁବନେଶ୍ୱର : ଆଜି ବାଲାଙ୍ଗିର ଜିଲ୍ଲା ଗସ୍ତରେ ଯିବେ ମୁଖ୍ୟମନ୍ତ୍ରୀ ମୋହନ ମାଝୀ । ଜିଲ୍ଲାରେ ବିଭିନ୍ନ ପ୍ରକଳ୍ପର ଶିଳାନ୍ୟାସ ଓ ଉଦଘାଟନ କରିବେ ମୁଖ୍ୟମନ୍ତ୍ରୀ ।  ପ୍ରଥମେ ତୁଷୁରା ଉଡାଜାହଜ ପଡିଆରେ ପହଞ୍ଚି ଉଡାଜାହଜ ପଡିଆକୁ 2B ବର୍ଗରେ ସାମିଲ କରିବା ସହିତ ଏହାର ଶିଳାନ୍ୟାସ କରିବ। ସେଠାରୁ ବେଲପଡା ବ୍ଲକ କ୍ରିକେଟ ପଡିଆରେ ଅପରଲାନ୍ଥ ଜଳ ସେଚନ ପ୍ରକଳ୍ପର ଶିଳାନ୍ୟାସ କରାଯିବ ।  ଏହାପରେ ପାଟଣାଗଡ଼ ଆସି ଡାକ୍ତରଖାନର ଡାଇଲେସିସ ସେଣ୍ଟର ଓ ବାଇପାସ ରାସ୍ତାର ଶିଳାନ୍ୟାସ କରିବେ ମୁଖ୍ୟମନ୍ତ୍ରୀ ।

ବଲାଙ୍ଗିରରେ ସର୍କିଟ ହାଉର ନୂତନ କୋଠାର ଉଦଘାଟନ ସହିତ ବଲାଙ୍ଗିର ଦିବସରେ ଯୋଗଦେବେ ।  ମୁଖ୍ୟମନ୍ତ୍ରୀଙ୍କ ସୁରକ୍ଷା ପାଇଁ ୩୫ ପ୍ଲାଟୁନ ପୋଲିସ ଫୋର୍ସ ଓ ଦୁଇଶହରୁ ଅଧିକ ପୋଲିସ ଅଫିସର ମୁତୟନ ହୋଇଛନ୍ତି । ମୁଖ୍ୟମନ୍ତ୍ରୀଙ୍କ ଗସ୍ତର ସୁରକ୍ଷା ବ୍ୟବସ୍ଥା ତଦାରଖ କରିଛନ୍ତି ଉତ୍ତରାଞ୍ଚଲ IG ହିମାଂଶୁ ଲାଲ ଓ ବଲାଙ୍ଗିର SP ରିସିକେଶ ଖିଲାରୀ ।  ମୁଖ୍ୟମନ୍ତ୍ରୀଙ୍କ ସହ ଉପ ମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂଦେଓ, ସ୍ୱାସ୍ଥ୍ୟମନ୍ତ୍ରୀ ମୁକେଶ ମହାଳିଙ୍ଗଙ୍କ ସମେତ ବଲାଙ୍ଗିର ଜିଲ୍ଲାର କିଛି ବିଧାୟକ ଉପସ୍ଥିତ ରହିବା କାର୍ଯ୍ୟକ୍ରମ ରହିଛି ।