ନାଳରେ ଭାସିଗଲେ କଲେଜ ଛାତ୍ରୀ
ଅନୁଗୋଳ : ଅନୁଗୋଳ ଜିଲ୍ଲା ବନ୍ତଳା ଥାନା ବସଲା ପଞ୍ଚାୟତ ସୁନାଭୁଇଁ ଗାଁରେ ନାଳରେ ଭାସିଗଲେ କଲେଜ ଛାତ୍ରୀ । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି । କଲେଜରୁ ସାଇକେଲ ଯୋଗେ ସୁନାଭୁଇଁ ଗାଁ ଛାତ୍ରୀ ପ୍ରୀତି ବେହେରା ଫେରୁଥିଲେ । ନାଳ ଉପରେ ଚାରି ଫୁଟରେ ପାଣି ଯାଉଥିଲା । ନାଳ ଉପରେ ସାଇକେଲକୁ ଧରି ଚାଲି ଚାଲି ଯାଉଥିବା ବେଳେ ପାଣି ସ୍ରୋତରେ ଗୋଡ ଖସିଯାଇଥିଲା । ଫଳରେ ଛାତ୍ରୀ ଜଣଙ୍କ ଭାସି ଯାଇଥିଲେ । ସଙ୍ଗେ ସଙ୍ଗେ ସ୍ଥାନୀୟ ଲୋକେ ଖୋଜିବାକୁ ଚେଷ୍ଟା କରିଥିଲେ । ପରେ ଅଗ୍ନିଶମ ବିଭାଗ ଖବର ପାଇ ଘଟଣାସ୍ଥଳରେ ପହଂଚି ଖୋଜିବା ଜାରି ରଖିଛି।
