ଓଃ କି ଶୀତ ! ବର୍ଷା ସାଙ୍ଗକୁ କାଲୁଆ ପବନରେ ଜନଜୀବନ ଅସ୍ତବ୍ୟସ୍ତ

ଭୁବନେଶ୍ବର(କେନ୍ୟୁଜ୍) : ଅଦିନିଆ ବର୍ଷାରେ ଭିଜୁଛି ସାରା ରାଜ୍ୟ । ବର୍ଷା ସାଙ୍ଗକୁ କାଲୁଆ ପବନ ଜନଜୀବନକୁ ଅସ୍ତବ୍ୟସ୍ତ କରି ଦେଇଛି । ଆଜି ମଧ୍ୟ ବର୍ଷା ସାଙ୍ଗକୁ ପ୍ରବଳ ଥଣ୍ଡା ଜାରି ରହିବ । ବର୍ଷା ସାମନ୍ୟ କମିବାର ଥିଲେ ମଧ୍ୟ ଝିପିଝିପି ବର୍ଷା ଲାଗି ରହିବ । ଆଜି ସଂଧ୍ୟା ପରେ ପାଗରେ ପରିବର୍ତ୍ତନ ଆସିପାରେ । ବର୍ଷା ଛାଡିବା ପରେ ଘନ କୁହୁଡି ଅନୁଭୂତ ହେବା ସହ ସାରା ରାଜ୍ୟରେ ପ୍ରବଳ ଶୀତ ହେବ । ଆସନ୍ତା ଏକ ସପ୍ତାହ ପର୍ଯ୍ୟନ୍ତ ଏପରି ଥଣ୍ଡା ଲାଗି ରହିବ ବୋଲି ପାଣିପାଗ କେନ୍ଦ୍ର ପକ୍ଷରୁ କୁହାଯାଇଛି । ପାଣିପାଗ କେନ୍ଦ୍ରର ସୂଚନା ଅନୁସାରେ ଅନୁଗୁଳ, ସୋନପୁର, କେନ୍ଦୁଝର, ମୟୂରଭଞ୍ଜ ଓ ବାଲେଶ୍ୱର ଦୁଇ ଦିନ ପ୍ରବଳରୁ ଅତିପ୍ରବଳ ଶୀତ ହେବ ।