ପୁରୀ : ନେଭି ଡେ ପାଇଁ କାଉଣ୍ଟଡାଉନ । ପୁରୀ ବେଳାଭୂମିରେ ଯୁଦ୍ଧଭୂମିର ଭ୍ରମ । ଶୁଭୁଛି ଯୁଦ୍ଧପୋତର ଗର୍ଜନ । କଳାକୌଶଳ ଦେଖାଉଛନ୍ତ ନୌବୀର ଓ ପାରାଟ୍ରୁପର । ପୁରୀ ବ୍ଲୁ ଫାଗ ବିଚରେ ଫୁଲ ଡ୍ରେସ ରିହରସଲ କରିଛନ୍ତି ଭାରତୀୟ ନୌ ସେନାର ଯବାନ । ଆଜି ମଧ୍ୟ ପୂର୍ଣ୍ଣ ଅଭ୍ୟାସ କରାଯିବ ।
ଡିସେମ୍ବର ୪ ତାରିଖରେ ନୌସେନା ଦିବସ ପାଇଁ ବ୍ୟାପକ ପ୍ରସ୍ତୁତି କରାଯାଇଛି । କୌଶଳ ଦେଖାଇବ ୧୫ ଯୁଦ୍ଧ ଜାହାଜ, ୪୦ ଏୟାରକ୍ରାଫ୍ଟ । ଅନ୍ୟତ୍ର ମୁତୟନ ଥିବାରୁ ସାମିଲ ହେବନି ଏୟାରକ୍ରାଫ୍ଟ କ୍ୟାରିୟର । ପ୍ରାୟ ୨୦ଟି ସାମରିକ କଳା ପ୍ରଦର୍ଶିତ ହେବ । ପ୍ରଦର୍ଶନ ହେବ ଡ୍ରୋନ ଶୋ ।
ଜନଗହଳି ସ୍ଥାନରେଏଲ୍ଇଡି ଲାଗିବ । ଲାଇଟ ହାଉସଠାରୁ ଦିଗବାରେଣି ଖୁଣ୍ଟି, ନୀଳାଦ୍ରି ବିଚରୁ ପେଣ୍ଠକଟା ପର୍ଯ୍ୟନ୍ତ ସବୁସ୍ଥାନରେ ଯୁଦ୍ଧ ଜାହାଜ, ଏୟାରକ୍ରାଫ୍ଟ ଓ ରଣକୌଶଳ ଦେଖିପାରିବେ ଦର୍ଶକ । ଲକ୍ଷାଧିକ ଦର୍ଶକ ଓ ପର୍ଯ୍ୟଟକଙ୍କ ସମାଗମକୁ ଦେଖି ଆସନ୍ତା ୩ ତାରିଖ ପର୍ଯ୍ୟନ୍ତ ଲାଗୁ ହୋଇଛି ଟ୍ରାଫିକ କଟକଣା । ନିୟୋଜିତ ଅଛନ୍ତି ୮୫ ପ୍ଲାଟୁନ ପୋଲିସ ଫୋର୍ସ ।