ଗଞ୍ଜାମ: ଅଟୋ ସହ ସ୍କୁଟି ଧକ୍କା । ଦମ୍ପତି ମୃତ, ଅଳ୍ପକେ ବର୍ତ୍ତିଗଲା ୩ ବର୍ଷର କୁନି ଝିଅ । ଗଞ୍ଜାମ ଜିଲ୍ଲା କବିସୂର୍ଯ୍ୟନଗର ଥାନା ବୁଢାମ୍ବ ଗ୍ରାମ ହରିଜନ ସାହି ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା ହୋଇଛି । ଅଟୋ ସହ ସ୍କୁଟି ଧକ୍କା ହୋଇଛି । ଏହି ଦୁର୍ଘଟଣାରେ ଶାଳବଣ ଗାଁର କାହ୍ନୁ ବାରିକ ଓ ତାଙ୍କ ପତ୍ନୀ ସ୍ବପ୍ନାଙ୍କର ମୃତ୍ୟୁ ହୋଇଛି ।
ସୋଭାଗ୍ୟ ବଶତଃ ତାଙ୍କ ୩ ବର୍ଷର ଝିଅ ବର୍ତ୍ତି ଯାଇଛି । କୁନି ଝିଅଟି ସାମାନ୍ୟ ଆହତ ହୋଇଛି । କାହ୍ନୁ ନିଜ ପତ୍ନୀ ଓ ଝିଅକୁ ଧରି ସ୍କୁଟିରେ ଗାଁକୁ ଯାଉଥିବା ବେଳେ ବୁଢ଼ାମ୍ବ ହରିଜନ ସାହି ନିକରେ ଏକ ଅଟୋ ସହ ଧକ୍କା ହୋଇଥିଲା ।
ଦୁର୍ଘଟଣା ସ୍ଥଳରେ ହିଁ ସ୍ବପ୍ନାଙ୍କର ମୃତ୍ୟୁ ହୋଇଥିଲା । କାହ୍ନୁଙ୍କୁ ଗୁରୁତର ଅବସ୍ଥାରେ ସ୍ଥାନୀୟ ଲୋକ ଉଦ୍ଧାରକରି ମେଡିକାଲକୁ ନେଇଥିଲେ । ତେବେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଦୁର୍ଘଟଣା ସ୍ଥଳରେ ଉତ୍ତେଜନା ସୃଷ୍ଟି ହୋଇଛି । ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ କରୁଛି ।
Also read: ସ୍କୁଟି ଧକ୍କାରେ ସାଇକେଲ ଆରୋହୀ ମୃତ, ସ୍କୁଟି ଚାଳକ ଗୁରୁତର