ଘରର କବାଟ ଝରକା ଭାଙ୍ଗି ଟଙ୍କା, ସୁନା ଲୁଟିବା ସହ ଜୀବନ ନେଇଗଲେ ଦୃର୍ବୁତ୍ତ

ବୌଦ୍ଧ : ଅଧା ରହିଥିଲା ଘର କାମ ତେଣୁ ଘର କାମ କରିବା ପାଇଁ ବ୍ୟାଙ୍କରୁ ଟଙ୍କା ଆଣିଥିଲେ। ହେଲେ ଏହି ସ୍ୱପ୍ନର ଘର ତୋଳିବା ପୂର୍ବରୁ ଏମିତି କିଛି ତାଙ୍କ ସହ ଘଟିଯିବ ତାହା ସେ କେବେ ସ୍ୱପ୍ନରେ ଭାବିନଥିଲେ । ବ୍ୟାଙ୍କରୁ ଟଙ୍କା ଆଣି ଘରେ ଖାଇ ପିଇ ଶୋଇଥିଲେ । ଯେଉଁ ଶୋଇବା ତାଙ୍କ ପାଇଁ କାଳ ହୋଇଗଲା । ହଠାତ୍‌ ଘରେ ପଶିଥିଲେ ଡକାୟତ । ଆଉ ଘରୁ ଲୁଟିନେଇଥିଲେ ଟଙ୍କା । ଖାଲି ଟଙ୍କା ନେଇଥିଲେ ତ ଦୁଃଖ ଲାଗିନଥାନ୍ତା ହେଲେ ଏହି ଟଙ୍କା କେଇଟା ପାଇଁ ବାଳକୃଷ୍ଣଙ୍କ ଜୀବନ ନେଇଗଲେ ଦୃର୍ବୁତ୍ତ ।

ଆମେ କହୁଛୁ ବାଦିକଟା ଗ୍ରାମରେ ଡକାୟତି ଉଦ୍ୟମ କଥା l ଗତକାଲି ବୌଦ୍ଧ ଜିଲ୍ଲା ବାଉଁଶୁଣି ଥାନା ଅନ୍ତର୍ଗତ ବାଦିକଟା ଗ୍ରାମର ବାଳକୃଷ୍ଣ ମହାକୁଳ ଖାଇପିଇ ଶୋଇଥିବା ବେଳେ ଏକ ଡକାୟତି ଗେଙ୍ଗ ଆସି ଲୁଟ କରିବା ପାଇଁ ଉଦ୍ୟମ କରୁଥିଲେ । ଯାହାଫଳରେ ଘର ମାଲିକଙ୍କ ନିଦ ଭାଙ୍ଗିଗଲା । ଆଉ ସେ ଦୃର୍ବୁତ୍ତ ମାନଙ୍କୁ ଲୁଟ୍‌ କରିବାରୁ ଅଟାକଇବାକୁ ଚେଷ୍ଟା କରିଥିଲେ । ହେଲେ ଦୁର୍ବୁତ୍ତ ଛୁରା ମାଡ଼ କରି ଫେରାର ହୋଇଯାଇଥିଲେ l ସେହିଠାରେ ତଳେ ପଡ଼ି ବାଳକୃଷ୍ଣ ଜୀବନ ବଞ୍ଚାଅ ବୋଲି ଚିତ୍କାର କରିଥିଲେ । ଆଉ ପାଖ ପଡ଼ୋଶୀ ସଙ୍ଗେ ସଙ୍ଗେ ଧାଇଁ ଅସିଥିଲେ । ପରିବାର ଲୋକେ ଗୁରୁତର ଅବସ୍ଥାରେ ବାଉଁଶୁଣି ମେଡ଼ିକାଲରେ ଭର୍ତ୍ତି କରିଥିଲେ l ସେଠାରେ ତାଙ୍କ ଅବସ୍ଥା ଅଧିକ ଗୁରୁତର ହେବାରୁ ତାଙ୍କୁ ସୋନପୁର ଓ ପରେ ବୁର୍ଲା ଡାକ୍ତରଖାନା ନେଉଥିଲେ ।

କିନ୍ତୁ ବଡ଼ ଦୁଃଖର କଥା ଯେ ତାଙ୍କ ମେଡିକାଲ ନେବା ବାଟରେ ତାଙ୍କର ମୃତ୍ୟୁ ହୋଇଛି l ବାଳକୃଷ୍ଣ ମହାକୁଳଙ୍କ ମୃତ୍ୟୁ ଖବର ପାଇ ପରିବାରରେ ଖେଳିଯାଇଛି ଦୁଃଖର ଛାୟା । ଏନେଇ ଘଟଣା ସ୍ଥଳରେ ବାଉଁଶୁଣି ପୋଲିସ ପହଞ୍ଚି ଛାନଭିନ ଚଳାଇଛି l ତେବେ ଗତକାଲି ବ୍ୟାଙ୍କରୁ ଲକ୍ଷଧିକ ଟଙ୍କା ଘରକାମ ପାଇଁ କାଢିଥିଲେ ବୋଲି ବାଳକୃଷ୍ଣଙ୍କ ପରିବାର ଲୋକେ ଜଣାଇଛନ୍ତି l ତେବେ ଦୁର୍ବୁତ୍ତ ମାନେ କେଉଁ ଅଞ୍ଚଳର ତାହା ଜଣା ପଡ଼ିନାହିଁ l ଅନ୍ୟପଟେ ଘର କବାଟ ଝରକା ଭାଙ୍ଗିଦେବା ସହିତ ଟଙ୍କା ସୁନା ଲୁଟି ନେଇଥିବା ଅଭିଯୋଗ କରିଛନ୍ତି ପରିବାର ଲୋକେ l

ତେବେ ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ଲୋକେ ଭୟଭୀତ ହୋଇ ରହିଥିବା ବେଳେ । ଦୃର୍ବୁତ୍ତଙ୍କୁ ଧରିବା ପାଇଁ ଦାବି କରିଛନ୍ତି । ବାରମ୍ବାର ଏଭଳି ଲୁଟ୍‌ ହେଉଥିବା ବେଳେ ଯେପରି ଆଗକୁ ଏମିତି ଲୁଟ୍‌ ର ଶିକାର କେହି ନ ହୁଅନ୍ତି ସେଥିପ୍ରତି ଧ୍ୟାନ ଦେବା ପାଇଁ ସ୍ଥାନୀୟ ଲୋକେ ପୋଲିସକୁ କହିଛନ୍ତି । ସେ ଯାହା ହେଉନା କାହିଁକି ବାଳକୃଷ୍ଣଙ୍କ ଜୀବନ ଯିବାନେଇ ପୁରା ଗାଁରେ ଶୋକର ଛାୟା ଖେଳି ଯାଇଛି ।

You might also like