କାମାକ୍ଷାନଗର (କେନ୍ୟୁଜ) : ଚମ ଧୁଡୁଧୁଡୁ, ନିଜ କାମ କରିବାକୁ ବି ଦେହରେ ବଳ ନାହିଁ । କଥା ବି ସ୍ପଷ୍ଟ ଭାବେ କହିପାରୁନାହାଁନ୍ତି । ଏ ମାଆଟିର ଅବସ୍ଥା ଦେଖିଲେ ଆପଣଙ୍କର ବି ମନ ନିଶ୍ଚୟ ଭାବେ ତରଳିଯିବ । ଏହି ବୟସରେ ପର କରିଦେଇଛନ୍ତି ପୁଅ ବୋହୁ ଓ ଝିଅ । ଆପଣ କୁହନ୍ତୁ କଣ ଏହି ଦିନ ଦେଖିବା ପାଇଁ ବାପା ମାଆମାନେ ସନ୍ତାନ ଜନ୍ମ କରିଥାନ୍ତି । ପର ଲୋକ କଣ ଏ ମାଆଟିକୁ ତାର ନିଜ ସନ୍ତାନ ମାନେ ଏପରି ଅବସ୍ଥା କରିଛନ୍ତି ଯେ ସେ ଏବେ ଜୀବନ ଜିଇଁବେ କେମିତି ତାହା ଭାବୁଛନ୍ତି । ଆଉ ଏକଦମ୍ ଅସହାୟ ହୋଇ କହୁଛନ୍ତି ମୁଁ ଏବେ କଣ କରିବି, ଯାହାକୁ ଜନ୍ମ ଦେଇଥିଲେ ସେମାନେ ପର କରିଦେଲେ । ଏବେ କୁକୁର ବିଲେଇ ଭଳି ପର ଓଳିରେ ରହୁଛି । କିଏ ଦେଲେ ଖାଉଛି ନହେଲେ ନାହିଁ ।
ବୃଦ୍ଧ ମାଆକୁ ଘରୁ କାଢ଼ି ଦେଲା ପୁଅ, ସମ୍ପତ୍ତି ନେଇଗଲା ଝିଅ । ସାହି ପଡ଼ିଶାଙ୍କ ପିଣ୍ଡାରେ ମୁଣ୍ଡ ଗୁଞ୍ଜି କଟୁଛି ଦିନ । ଯାହାକୁ ଦିନେ କୋଳେଇ କାଖେଇ ମାଆ ମଣିଷ କରିଥିଲା ଆଜି ପରିଣତ ବୟସରେ ମାଆକୁ ପର କରିଦେଲା ପୁଅ । ଏମିତି ନିଜ ଜନ୍ମିତ ପୁଅ ଖାଇବାକୁ ଗଣ୍ଡେ ଦେବା ତ ଦୂରର କଥା ଘରୁ ମଧ୍ୟ ବାହାର କରିଦେଇଛି । ଏଭଳି ଦୁଃଖଦ ଘଟଣା ଦେଖିବାକୁ ମିଳିଛି, କାମାକ୍ଷାନଗର ଥାନା ଅନ୍ତର୍ଗତ ଆଳତୁମା ବଡ଼ବିଲା ଗାଁରେ । ୩ ବର୍ଷ ତଳେ ସ୍ବାମୀଙ୍କୁ ହରାଇଥିବା ରୁକ୍ମିଣୀ ପାତ୍ରଙ୍କୁ ବୟସ ୭୨ ଛୁଇଁଲାଣି । ଚମ ଧୁଡୁଧୁଡୁ, ନିଜ କାମ କରିବାକୁ ବି ଦେହରେ ବଳ ନାହିଁ ।
ଏଭଳି ପରିଣତ ବୟସରେ ତାଙ୍କୁ ପୁଅ-ବୋହୂ ଘରୁ ବାହାର କରିଦେଲେ। ଏବେ ସାହିପଡ଼ିଶାଙ୍କ ପିଣ୍ଡାରେ ସେ ମୁଣ୍ଡ ଗୁଞ୍ଜୁଛନ୍ତି । ବର୍ଷା ହେଉ ବା ଖରା ଏମିତି ପରପିଣ୍ଡା ତାଙ୍କ ଆଶ୍ରା ପାଲଟିଛି । ଦୁଃଖ ଓ ଯନ୍ତ୍ରଣାର ଥିବା ରୁକ୍ମିଣୀ ଆଜି କାମାକ୍ଷାନଗର ଉପଜିଲ୍ଲାପାଳ ନାରାୟଣ ଚନ୍ଦ୍ର ନାୟକଙ୍କ ନିକଟକୁ ଯାଇ ଏ ସଂପର୍କରେ ଅଭିଯୋଗ କରିଥିଲେ । ସେ କହିଥିଲେ ଯେ ବଡ଼ କଷ୍ଟରେ ଜୀବନ କାଟୁଛି ।
ପୁଅ-ବୋହୂ ପର କରିଦେଲା ପରେ ଝିଅ ଉପରେ ନିର୍ଭର କରୁଥିଲେ। ହେଲେ ସେ ମଧ୍ୟ ସମ୍ପତ୍ତି ନେଇ ପର କରିଦେଲା । ଆଉ କାହା ଉପରେ ଭରସା ନାହିଁ । ତେଣୁ ପ୍ରଶାସନର ଦ୍ୱାରସ୍ଥ ହୋଇଛି । କାମାକ୍ଷାନଗର ଉପଜିଲ୍ଲାପାଳଙ୍କ ନିକଟରେ ଅଭିଯୋଗ ପରେ ଉପଜିଲ୍ଲାପାଳ ତୁରନ୍ତ ଏନଏସି ନିର୍ବାହୀ ଅଧିକାରୀଙ୍କୁ ଏହାର ସମାଧାନ କରିବା ପାଇଁ କହିଛନ୍ତି । ସେହିପରି ସମାଧାନ ନହେଲେ ଆଇନଗତ କାଯ୍ୟାନୁଷ୍ଠାନ ହେବା ନେଇ ଉପଜିଲ୍ଲାପାଳ ଚେତାଇ ଦେଇଛନ୍ତି ।
ସତରେ ଏ ଘଟଣା ମନକୁ ଭାରି ବ୍ୟଥିତ କରୁଛି । ମାଆ କଣ ଏମିତି କରେ ଯେ ପୁଅ ବୋହୂ ତାକୁ ବୋଝ ବୋଲି ଭାବନ୍ତି । ସନ୍ତାନ ସନ୍ତତି ଜନ୍ମ ତ ଏଥିପାଇଁ କରନ୍ତି ନା ଯେ ବୃଦ୍ଧ କାଳେ ପୁଅ ଝିଅ ସାହା ହେବେ । କିନ୍ତୁ ସମ୍ପତ୍ତି ଲୋଭରେ ଏମିତି କେମିତି ନିଷ୍ଠୁର ହୋଇପାରୁଛନ୍ତି ଏମାନେ । ଆପଣ କଣ ଭୁଲି ଯାଉଛନ୍ତି ଦିନେ ଆପଣ ବି ବୃଦ୍ଧ ବୃଦ୍ଧା ହେବେ । ଆପଣଙ୍କୁ ବି ଯଦି ଏମିତି ଆପଣଙ୍କ ପୁଅ ଝିଅ ମାନେ କଲେ ଆପଣ କଣ କରିବେ? ଏଥିପାଇଁ ତାଙ୍କ ଯାଗାରେ ନିଜକୁ ରଖି ଭାବନ୍ତୁ ଆପଣ କଣ କରୁଛନ୍ତି । ଭୁଲି ଯାଆନ୍ତୁନି ଦୁନିଆରେ ଚଳନ୍ତି ଭଗବନା ହେଉଛନ୍ତି ବାପା ମାଆ । ସବୁକିଛି ମିଳିଯିବ କିନ୍ତୁ ଜନ୍ମ କଲା ବାପା ମାଆ ଆପଣଙ୍କୁ ମିଳିବନି ।
ମେଷ: ଶୁଭ ସମାଚାର ମିଳିପାରେ । ଛାତ୍ରଛାତ୍ରୀମାନେ ପଢାପଢିରେ ପରିବର୍ତ୍ତନ ଆଣିବେ । ଅଫିସ୍ କାର୍ଯ୍ୟରେ ବିଳମ୍ବ ହେବ ।…
ବ୍ରହ୍ମପୁର : ଦିଗପହଣ୍ଡି ଥାନା ଭୀଷ୍ମଗିରୀରେ ନାବାଳିକା ବଧୂ ହତ୍ୟା ମାମଲାରେ ପାଞ୍ଚ ଜଣଙ୍କୁ ଗିରଫ କଲା ପୋଲିସ ।…
ରୋଗୀଙ୍କୁ ଉତ୍ତମ ବ୍ୟବହାର ସହ ମାନବିକାତ ଦେଖାଅ। ମୁନ୍ନା ଭାଇ ଏମବିବିଏସ ସିନେମାର ଉପାଖ୍ୟାନ କହି, ଡାକ୍ତରମାନଙ୍କୁ ଏହି ଉପଦେଶ…
ଭୁବନେଶ୍ୱର: ରାଜ୍ୟରେ ନୂଆ ମୁଖ୍ୟ ସଚିବ ହେବେ କି ମନୋଜ ଆହୁଜା? ଏହାକୁ ନେଇ ଜୋର ଧରିଛି ଚର୍ଚ୍ଚା ।…
ଭଦ୍ରକ (କେନ୍ୟୁଜ୍) : ଭଦ୍ରକରେ ଜିଲ୍ଲା ସ୍ତରୀୟ ଆର୍ଟ ଅଫ ଗିଭିଂ ଦିବସ ସମାରୋହରେ ପାଳିତ ହୋଇଯାଇଛି । ଜିଲ୍ଲା…
ମାତୃତ୍ୱ ଛୁଟି ଉପରେ ସରକାରଙ୍କର ବଡ଼ ନିଷ୍ପତ୍ତି । ସରୋଗେସି ମାଧ୍ୟମରେ ମାଆ ହେବାକୁ ଥିବା ମହିଳାମାନଙ୍କ ପାଇଁ ଖୁସି…