ପିପିଲି : ବିଶୋଧିତ ହେବ ଦୟାନଦୀ ଜଳ । ଦୟାନଦୀ ଆଦୌ ବ୍ୟବହାର ନ କରିବାକୁ ପରାମର୍ଶ ଦେଲେ ଜିଲ୍ଲାପାଳ । ପ୍ରଭାବିତ ଅଞ୍ଚଳରେ ମେଡିକାଲ ଟିମ ମୁତୟନ ଅଛନ୍ତି । ଜିରୋ ନିୟନ୍ତ୍ରଣ ପର୍ଯ୍ୟନ୍ତ ସ୍ଥିତି ଉପରେ କଡ଼ା ନଜର ରହିବ ବୋଲି କହିଛନ୍ତି ପୁରୀ ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ବାଇଁ । ଏଥିସହ ସେ କହିଛନ୍ତି, ବିଶୁଦ୍ଧ ପାନୀୟ ଜଳ ଯୋଗାଣ ପାଇଁ ଟ୍ୟାଙ୍କର ମାତ୍ରା ବୃଦ୍ଧି କରାଯାଇଛି । ଘଟଣାସ୍ଥଳକୁ ଏଡ଼ିମିଏଓ ଓ ଭେଷଜ ବିଶେଷଜ୍ଞ ଯାଇଛନ୍ତି ।
ଦୟାନଦୀ ଜଳ ପରୀକ୍ଷା ପରେ ସମ୍ପୂର୍ଣ୍ଣ ପ୍ରଦୂଷିତ ଓ ପାନୀୟ ଉପଯୋଗୀ ନୁହେଁ ଜଣାପଡିବା ପରେ ଦୟାନଦୀ ଜଳ ବ୍ୟବହାର ନ କରିବା ପାଇଁ ସ୍ବାସ୍ଥ୍ୟ ବିଭାଗ ପକ୍ଷରୁ ପରାମର୍ଶ ଦିଆଯାଇଛି। କଣାସ ବ୍ଲକ ଗଡ଼ିଶାଗୋଦା ପଞ୍ଚାୟତ ନୂଆଗାଁ ଓ ଗୋପୀନାଥପୁର ପଞ୍ଚାୟତର ଜାଗୁଳାଇପଦର ଅଧିକ ପ୍ରଭାବିତ ହୋଇଛି । ଘଟଣାସ୍ଥଳରୁ ପାଣି ନମୁନା ସଂଗ୍ରହ କରି ପରୀକ୍ଷା ପାଇଁ ପଠାଯାଇଛି ନୂଆଗାଁ,ଜାଗୁଳାଇପଦର,ନଈ କୂଳପାଟଣା ଗାଁର ଘର ଘରକୁ ଯାଇ ତଥ୍ୟ ସଂଗ୍ରହ କରୁଛନ୍ତି ସ୍ୱାସ୍ଥ୍ୟ କର୍ମୀ, ଆଶା ଓ ଅଙ୍ଗନୱାଡି କର୍ମୀ ।
ଅନ୍ୟପଟେ ଗତ ୧୩ ତାରିଖରୁ ଝାଡ଼ାବାନ୍ତିରେ ୪ ଜଣଙ୍କ ମୃତ୍ୟୁ ଘଟିଥିବା ବେଳେ ବର୍ତ୍ତମାନ ସୁଦ୍ଧା ୭୮ ଜଣ ଆକ୍ରାନ୍ତ ହୋଇଛନ୍ତି । ଅନ୍ୟପଟେ ଛାଡ଼ାବାନ୍ତି ପାଇଁ ଗାଁରେ ବରଯାତ୍ରୀ ଭୋଜିଭାତ ବନ୍ଦ ରଖାଯାଇଛି । ନୂଆ ଦୋକନ୍ଦା ଗାଁରେ ଏକ ବିବାହ ଉତ୍ସବ ଆୟୋଜନ କରାଯାଇଥିବା ବେଳେ ବରଯାତ୍ରୀଙ୍କ ପାଇଁ ଆୟୋଜନ କରାଯାଇଥିବା ଭୋଜିକୁ ବନ୍ଦ କରାଯାଇଛି । ବ୍ୟାପୁଥିବା ଝାଡ଼ାବାନ୍ତିକୁ ଦୃଷ୍ଟିରେ ରଖି ଖାଇବା ପିଇବା ଠାରୁ ଆରମ୍ଭ କରି ଗାଧୁଆ ପାଧୁଆ ପର୍ଯ୍ୟନ୍ତ ସମସ୍ତ କାର୍ଯ୍ୟ ପାଇଁ ବାରଣ କରାଯାଇଛି । ଯେଉଁମାନେ ଭୋଜି କରିବେ ସେମାନଙ୍କ ଉପରେ ପଦକ୍ଷେପ ନେବା ପାଇଁ ବ୍ଲକ ପ୍ରଶାସନକୁ ଦାୟିତ୍ଵ ଦିଆଯାଇଛି ।
Also Read : କଣାସରେ ଅଣାୟତ ସ୍ଥିତି: ବ୍ୟାପୁଛି ଡାଇରିଆ, ୪୦ରୁ ଅଧିକ ଲୋକ ଆକ୍ରାନ୍ତ