ଶିମିଳିପାଳରେ ଅଭାବନୀୟ ଘଟଣା: ପାହାଡ଼ରୁ ଖସି ୩୦ ଫୁଟ ତଳେ ଗଛରେ ଲାଗିଛି ହାତୀର ମୃତଦେହ !
କରଞ୍ଜିଆ(କେନ୍ଯୁଜ୍): ମୟୁରଭଞ୍ଜ ଜିଲ୍ଲାର ଶିମିଳିପାଳ ହେଉଛି ହସ୍ତୀ ଓ ବ୍ୟାଘ୍ର ପ୍ରକଳ୍ପ । ଏସିଆର ଦ୍ୱିତୀୟ ଜୈବ ମଣ୍ଡଳ ଶିମିଳିପାଳରେ ଏକ ଅଭାବନୀୟ ଘଟଣା ଘଟିଛି । ଏକ ହାତୀର ମୃତଦେହ ଠାବ କରାଯାଇଛି । ବାଘ ଗଣନା ପାଇଁ ଯାଇଥିବା ବନବିଭାଗ କର୍ମଚାରୀ ଏହି ମୃତ ହାତୀଟିକୁ ଦେଖିବାକୁ ପାଇଥିଲେ ।
ଉତ୍ତର ଶିମିଳିପାଳର ନଅଣା ରେଞ୍ଜର କୋର ଏରିଆରେ ହାତୀର ମୃତ୍ୟୁ ହେଇଛି । ପାହାଡ଼ରୁ ଖସି ୩୦ ଫୁଟ ତଳେ ଗଛରେ ଲାଗିଛି ହାତୀର ମୃତ ଦେହ । ପାହାଡ଼ରୁ ଖସି ହାତୀ ମୃତ୍ୟୁ ହେଇଥିବା ସନ୍ଦେହ କରୁଛି ବନଭିଭାଗ । ଆଜି ଆଞ୍ଚଳିକ ମୁଖ୍ୟ ବନ ସଂରକ୍ଷକ ଏବଂ ଉତ୍ତର ଶିମିଳିପାଳ ଡେପୁଟି ଡ଼ାଇରେକ୍ଟରଙ୍କ ଉପସ୍ଥିତରେ ହାତୀ ଶବ ବ୍ୟବଚ୍ଛେଦ କରାଯିବ। ଏହି ହାତୀଟିର ବୟସ ପାଖାପାଖି ୪୦ ହେଇଥିବା ବେଳେ, ହାତୀଟି ମାଈ ହାତୀ ହୋଇଥିବା ବନଭିଭାଗ ସୂଚନା ଦେଇଛନ୍ତି।
