ଭୁବନେଶ୍ବରରେ ପହଞ୍ଚିଲା ୱାୟନାଡରେ ମୃତ ଡାକ୍ତର ବିଷ୍ଣୁପ୍ରସାଦ ଚିନ୍ନରାଙ୍କ ମରଶରୀର
ଭୁବନେଶ୍ବର : ଭୁବନେଶ୍ବରରେ ପହଞ୍ଚିଲା ୱାୟନାଡରେ ମୃତ ଡାକ୍ତର ବିଷ୍ଣୁପ୍ରସାଦ ଚିନ୍ନରାଙ୍କ ମରଶରୀର । ସ୍ବତନ୍ତ୍ର ଆମ୍ବୁଲାନସରେ ମରଶରୀର ଭୁବନେଶ୍ବରରେ ପହଞ୍ଚିବା ପରେ ବାଣୀବିହାର ଠାରେ ତାଙ୍କୁ ଶ୍ରଦ୍ଧାସୁମନ ଅର୍ପଣ କରିବା ସହ ସାଙ୍ଗସାଥୀ ଶେଷ ଦର୍ଶନ କରିଛନ୍ତି । ପରେ ମୃତଦେହକୁ ହାଇଟେକ୍ ମେଡିକାଲ ନିଆଯାଇଛି । ସେଠାରେ ଶ୍ରଦ୍ଧାଞ୍ଜଳି ଜ୍ଞାପନ ପରେ ଚୌଦ୍ଵାର ଯିବ। ଜନ୍ମଦିନ ପାଳନ କରିବାକୁ ପତ୍ନୀ ପ୍ରିୟଦର୍ଶିନୀ ପାଲଙ୍କ ସହ ୱାୟନାଡ ଯାଇ ଚୁରାଲମାଲାର ଏକ ରିସୋର୍ଟରେ ରହିଥିଲେ । ଜୁଲାଇ ୩୦ତାରିଖ ମଧ୍ୟରାତିରେ ଭୂସ୍ଖଳନରେ ପ୍ରାଣ ହରାଇଥିଲେ ବିଷ୍ଣୁପ୍ରସାଦ । ଦିନକ ପରେ ତାଙ୍କ ମୃତଦେହ ଠାବ ହୋଇଥିଲା । ପ୍ରିୟଦର୍ଶିନୀଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଥିଲା । ସୁସ୍ଥ ହେବା ପରେ ସେ ଡିସଚାର୍ଜ ହୋଇ ଓଡିଶା ଫେରିଛନ୍ତି ।
