ହାତଗୋଡ଼ ବନ୍ଧା ଅବସ୍ଥାରେ ମୃତଦେହ ଉଦ୍ଧାର, ହନୁମାନ ପଇସାକୁ ନେଇ ହତ୍ୟା ସନ୍ଦେହ
ପିପିଲି : ହନୁମାନ ପଇସାକୁ ନେଇ ହତ୍ୟା ସନ୍ଦେହ । ପୁରୀ ଜିଲ୍ଲା ଡେଲାଙ୍ଗ ଥାନା କୁଆପଦା ଗାଁର ଗଦାଧର ଗାଁରେ ଘଟିଛି ଘଟଣା । ଗତ ସୋମବାର ଠାରୁ ଗଦାଧର ନିଃସଙ୍କ ଙ୍କ ନିଖୋଜ ନେଇ ପରିବାର ପକ୍ଷରୁ ଖୋର୍ଦ୍ଧା ଶିଳ୍ପାଞ୍ଚକ ଥାନାରେ ଅଭିଯୋଗ ହୋଇଥିଲା । ଡେଲାଙ୍ଗ କୁଆପଦା ଠାରୁ ୧୫ କିଲୋମିଟର ଦୂରରେ ଥିବା ଏକ ପରିତ୍ୟକ୍ତ ଖଣିରୁ ପୋଲିସ ଉଦ୍ଧାର କରିଥିବା ଗାଡି, ଚପଲ, ବ୍ୟାଗ, ହେଲେମେଟ୍ କୁ ଚିହ୍ନଟ କରିଥିଲେ ପରିବାର ଲୋକ । ଗତକାଲି ରାତିରେ କଣାସ ବ୍ଲକ ଦୋଛିଆଁ ଗାଁ ଗୋଲେଇ ଛକ ନିକଟ ମକରା ନଦୀ କୂଳରୁ ହାତଗୋଡ଼ ବନ୍ଧା ଅବସ୍ଥାରେ ଏକ ଅଖା ମଧ୍ୟରୁ ମୃତଦେହ ଉଦ୍ଧାର କରିଛି ଗଡିସାଗୋଦା ପୋଲିସ । ହତ୍ୟା ସନ୍ଦେହରେ ଜଣେ ମହିଳାଙ୍କୁ ଅଟକ ରଖିଛି ଖୋର୍ଦ୍ଧା ଶିଳ୍ପାଞ୍ଚଳ ଥାନା ପୋଲିସ ।
ସେହିପରି ଗତକାଲି ଭୁବନେଶ୍ବର ଏୟାରଫିଲ୍ଡ ଥାନା କଲ୍ୟାଣୀ ପ୍ଲାଜା ହାଇଟେକ୍ ଆପାର୍ଟମେଣ୍ଟ ନିକଟରେ ଗାଡ଼ି ପାର୍କିଂରୁ ଡବଲ ମର୍ଡର ହୋଇଥିଲା । ମୃତକ ହେଲେ ଦୁଇ ସାଙ୍ଗ ରଶ୍ମି ରଂଜନ ସେଠୀ ଓ ସମ୍ବିତ ରାଉତ । ଗାଡି ପାର୍କିଂକୁ ନେଇ ହତ୍ୟାକାଣ୍ଡ ହୋଇଥିବା ଜଣାପଡିଥିଲା । ତେବେ ଖବର ପାଇ ଭୁବନେଶ୍ୱର ଡିସିପି ପ୍ରତୀକ ସିଂ ଘଟଣାସ୍ଥଳରେ ପହଞ୍ଚିଥିଲେ । ସ୍ପେଶାଲ ସ୍କ୍ୱାଡ଼ ପହଞ୍ଚି ପାରିପାର୍ଶ୍ବିକ ପରିସ୍ଥିତି ଯାଞ୍ଚ କରିଥିଲେ ।
