ଘର ଭିତରେ ମହାଭାରତ, ଧଉଳି ନିକଟ ଟିକରପଡ଼ା ଗାଁରେ ହଣାକଟା
ଭୁବନେଶ୍ୱର : ଭୁଚନେଶ୍ୱର ଧଉଳି ଥାନା ଅଧୀନରେ ଥିବା ଟିକରପଡ଼ା ଗାଁରେ ହଣାକଟା । ପୂର୍ବ ଶତ୍ରୁତାକୁ କେନ୍ଦ୍ର କରି ଘର ଘର ଭିତରେ ମରଣାନ୍ତକ ଆକ୍ରମଣ । ଏହି ଆକ୍ରମଣରେ ଉଭୟ ପକ୍ଷରୁ ବେଶ୍ କିଛି ଲୋକ ଆହତ ହୋଇଛନ୍ତି । ଶେଷ ଖବର ଅନୁଯାୟୀ ଘଟଣାରେ ପୋଲିସ୍ ଜଣକୁ ଗିରଫ କରିଛି । ତେବେ ଦୁଇ ଗୋଷ୍ଠୀର ଲୋକେ ଲହୁ ଲୁହାଣ ହୋଇ ଆସି କ୍ୟାପିଟାଲ ହସପିଟାଲରେ ଚିକିତ୍ସିତ ହୋଇଥିଲେ ମଧ୍ୟ ଅନେକ ସମୟ ପର୍ଯ୍ୟନ୍ତ ଥାନାରେ ଅଭିଯୋଗ କରିବାକୁ ଯାଇ ନିଥିଲେ । ଅବଶ୍ୟ ପରେ ଏ ନେଇ ମାମଲା ରୁଜୁ ହୋଇଛି ।
ଘଟଣାରେ ଗୁରୁତର ଓ ଆହତ ହୋଇଥିବା ବ୍ୟକ୍ତିମାନଙ୍କ ସୂଚନା ଅନୁସାରେ ସେମାନେ ସମସ୍ତେ ଗୋଟିଏ ପରିବାରର। ପୂର୍ବରୁ ଜମିବାଡି ଘଟଣାକୁ ନେଇ ଅନେକ ଥର ସେମାନଙ୍କ ଭିତରେ ଗଣ୍ଡଗୋଳ ହୋଇଛି। ଥାନା କୋର୍ଟ କଚେରୀ ଯାଏ କଥା ଯାଇଛି । ତଥାପି ସମାଧାନର ବାଟ ବାହାରି ନଥିଲା। ସେହି ଅସନ୍ତୋଷର ନିଆଁ କୁହୁଳୁ ଥିଲା । ଗତକାଲି ସକାଳେ ହେଲା ମରଣାନ୍ତକ ଆକ୍ରମଣ । ଏଥିରେ ଉଭୟ ପକ୍ଷର ଲୋକ ଆହତ ହୋଇଥିଲେ । ଲୋକନାଥ ସ୍ୱାଇଁଙ୍କ ମୁଣ୍ଡରେ ଆଘାତ ଲାଗିଥିଲା । ଆହତ ଲୋକନାଥ ଏବଂ ପ୍ରଶାନ୍ତ ସ୍ୱାଇଁଙ୍କୁ କଟକ ବଡ଼ ମେଡିକାଲ ପଠା ଯାଇଥିଲା । ଏବେ ଘଟଣାରେ ଏକ ମାମଲା ରୁଜୁ କରି ଜଣକୁ ଗିରଫ କରିବା ସହ ପୋଲିସ୍ ତଦନ୍ତ କରୁଛି ।