ଭୁବନେଶ୍ୱର : କିସ କ୍ୟାମ୍ପସ ଶ୍ରୀ ଗୁଣ୍ଡିଚା ମନ୍ଦିର ପରିସରରେ ଅନ୍ତର୍ଜାତୀୟ ଶ୍ରୀ ଜଗନ୍ନାଥ ସଂସ୍କୃତି ଚେତନା ପରିଷଦ ପକ୍ଷରୁ ଶ୍ରୀ ଜଗନ୍ନାଥ ଭକ୍ତ ସମିଳନୀ ଅନୁଷ୍ଠିତ ହୋଇଯାଇଛି । ଏହି ‘ଭକ୍ତ ସମ୍ମିଳନୀରେ’ ଉପସ୍ଥିତ ଥିଲେ ଗଜପତି ଦିବ୍ୟସିଂହ ଦେବ ମହାରାଜ, ବାବା ସଚ୍ଚିଦାନନ୍ଦ ଦାସ ମହାରାଜ, ପଣ୍ଡିତ ନରେଶ ଚନ୍ଦ୍ର ଦାସ, କିଟ୍ ଓ କିସ୍ ପ୍ରତିଷ୍ଠାତା ଡ. ଅଚ୍ୟୁତ ସାମନ୍ତ, ଡ. ହରେକୃଷ୍ଣ ଶତପଥୀ ଏବଂ ବହୁ ମାନ୍ୟଗଣ୍ୟ ବ୍ୟକ୍ତିବିଶେଷ ।
କାର୍ଯ୍ୟକ୍ରମରେ ଓଡ଼ିଶାର କୋଣ ଅନୁକୋଣରୁ ଆସିଥିବା ସମସ୍ତ ଭକ୍ତ, ଓଡ଼ିଶାର ପ୍ରତ୍ୟେକ ଜିଲ୍ଲାର ୩୦ଟି ମନ୍ଦିର କର୍ମକର୍ତ୍ତାଙ୍କୁ ଏବଂ ‘ଶ୍ରୀଜଗନ୍ନାଥ ମାହ ପ୍ରଚାରକ’ ମାନଙ୍କୁ ସମ୍ବର୍ଦ୍ଧିତ କରାରାଯାଇଥିଲା । ପ୍ରଭୂ ଜଗନ୍ନାଥଙ୍କ ବହୁ ତଥ୍ୟକୁ ନେଇ ବହୁ ଆଲୋଚନା ହୋଇଥିଲା । ଜଗନ୍ନାଥ ସଂସ୍କୃତିର ପ୍ରଚାର ପ୍ରସାର ଲାଗି ଏହି ଭକ୍ତ ସମିଳନୀ ଅନୁଷ୍ଠିତ ହୋଇଛି ବୋଲି ପଞ୍ଜାବ ଚିନ୍ମୟ ମିଶନ ପଟିଆଲାର ସ୍ୱାମୀ ମାଧବାନନ୍ଦା ସରସ୍ୱତୀ ମହାରାଜ କହିଥିଲେ। କାର୍ଯ୍ୟକ୍ରମରେ ବହୁ ଶ୍ରଦ୍ଧାଳୁ ଉପସ୍ଥିତ ଥିଲେ।