କ୍ଷତିପୂରଣ ଦାବି କଲେ ମୃତକଙ୍କ ପରିବାର, କମ୍ପାନୀ ଫାଟକ ନିକଟରେ ଶ୍ରମିକଙ୍କ ସହ ଦେଲେ ଧାରଣା

 ଢେଙ୍କାନାଳ(କେନ୍ୟୁଜ): ଢେଙ୍କାନାଳ ମୋଟଙ୍ଗା ଥାନା ଅନ୍ତର୍ଗତ ଖଡ଼ଗପ୍ରସାଦ ଗ୍ରାମ ନିକଟରେ ଥିବା  କମ୍ପାନୀ ପରିସରରେ କାର୍ଯ୍ଯରତ ଶ୍ରମିକର ଦୁର୍ଘଟଣା ଜନିତ ମୃତ୍ୟୁକୁ ନେଇ କମ୍ପାନୀ ମୁଖ୍ଯ ଫାଟକ ନିକଟରେ କ୍ଷତି ପୂରଣ ଦାବି ନେଇ ଧାରଣା ଲାଗିରହିଛି ।

ଗତକାଲି କାର୍ଯ୍ଯରତ ଶ୍ରମିକ ମାଧବ ବେହେରାଙ୍କର କମ୍ପାନୀ ପରିସରରେ କାର୍ଯ୍ଯରତ ସମୟରେ ଦୁର୍ଘଟଣା ଜନିତ ମୃତ୍ୟୁ ନେଇ କମ୍ପାନୀ ମୁଖ୍ଯ ଫାଟକ ନିକଟର ଉତ୍ତେଜନା ଲାଗିରହିଛି । ମୃତକଙ୍କ ପରିବାର, ଗ୍ରାମବାସୀ ଓ ଶ୍ରମିକମାନେ ମୃତକଙ୍କ ପରିବାରକୁ ୫୦ ଲକ୍ଷ କ୍ଷତିପୂରଣ ଦାବି ସହ ପରିବାର ଜଣଙ୍କୁ ଚାକିରି ଦାବି କରିଛନ୍ତି ।

ଘଟଣା ସ୍ଥଳରେ ଏକ ପ୍ଲାଟ୍ଯୁନ ପୋଲିସ ମୃତୟନ ରହିଛି । ବର୍ତ୍ତମାନ ସୁଧା କମ୍ପାନୀ କର୍ତ୍ତୃପକ୍ଷ କୌଣସି ଆଲୋଚନା କରିବାକୁ ଆସି ନ ଥିବାରୁ ଅଧିକ ଉତ୍ତେଜନା ଦେଖା ଦେଇଛି । ଆମ୍ବୁଲାସ ଯୋଗେ ଅନୁଗୁଳରୁ ମୃତ ଦେହ ଆସିବା ପରେ ଗ୍ରାମବାସୀ , ପରିବାର ସଦସ୍ଯ ଏବଂ ଶ୍ରମିକମାନେ ମୁଖ୍ଯ ଫାଟକ ନିକଟର ମୃତ ଦେହ ରଖି କ୍ଷତି ପୂରଣ ଦାବିରେ ଧାରଣାରେ ବସି ରହିଛନ୍ତି । କମ୍ପାନୀ ସମ୍ମୁଖରେ ଉତ୍ତେଜନା ଲାଗିରହିଛି ।