ରାକ୍ଷୀ ପୂର୍ଣ୍ଣିମା ପୂର୍ବରୁ ପାଟସେବା ଆରମ୍ଭ, ଉଦ୍ଘାଟନ କଲେ ଡ. ଅଚ୍ୟୁତ ସାମନ୍ତ
ଭୁବନେଶ୍ୱର : ରାକ୍ଷୀ ପୂର୍ଣ୍ଣିମା ଅବ୍ୟବହିତ ପୂର୍ବରୁ ପ୍ରତିବର୍ଷ ପରି ଚଳିତବର୍ଷ ମଧ୍ୟ ଶ୍ରୀ ଜଗନ୍ନାଥ ପାଟ ସେବା ବିକାଶ ପରିଷଦ ପକ୍ଷରୁ ପାଟସେବା ଆରମ୍ଭ ହୋଇଛି । ଆଜି ଶ୍ରୀବାଣୀକ୍ଷେତ୍ର ପରିସରରେ ଥିବା ଶ୍ରୀ ଜଗନ୍ନାଥ ମନ୍ଦିର ଟ୍ରଷ୍ଟ ଦ୍ୱାରା ଏହି ସେବାକୁ ଶ୍ରୀ ଜଗନ୍ନାଥ ପାଟ ସେବା ବିକାଶ ପରିଷଦର ପ୍ରତିଷ୍ଠାତା ଡ. ଅଚ୍ୟୁତ ସାମନ୍ତ ଉଦ୍ଘାଟନ କରିଥିଲେ । ପାଟ ସେବା ବିକାଶ ପକ୍ଷରୁ ପ୍ରସ୍ତୁତ ଏହିସବୁ ରାକ୍ଷୀ ପୁରୀ ଶ୍ରୀଜଗନ୍ନାଥ ମନ୍ଦିର ଓ କେନ୍ଦ୍ରପଡ଼ାର ଶ୍ରୀବଳଦେବଜୀଉଙ୍କ ଠାରେ ବଡ଼ରାକ୍ଷୀ ଲାଗି ହେବାପରେ ଓଡ଼ିଶା ସମେତ ଭାରତ ଓ ଭାରତ ବାହାରେ ଥିବା ଶ୍ରୀଜଗନ୍ନାଥ ମନ୍ଦିରକୁ ରାକ୍ଷୀ ସବୁ ପ୍ରେରଣ କରାଯିବ । ଆଜି ଏହି କାର୍ଯ୍ୟକ୍ରମରେ ପାଟ ସେବା ବିକାଶ ପରିଷଦର ସଭାପତି ଦୁର୍ଯ୍ୟୋଧନ ସାହୁ, ସାଧାରଣ ସମ୍ପାଦକ ଡ. ଶୁଭେନ୍ଦୁ ସ୍ୱାଇଁ ଓ ପରିଷଦର ଅନ୍ୟ କର୍ମକର୍ତ୍ତାମାନେ ଉପସ୍ଥିତ ଥିଲେ ।
