କିଟ୍ ଓ କିସ୍ ପରିଦର୍ଶନ କଲେ ସିଟି ୟୁନିଭରସିଟି ଅଫ୍ ନିଉୟର୍କର ସଭାପତି ଡ. ମିଲ୍ଟନ୍ ସାଣ୍ଟିଆଗୋ
ଭୁବନେଶ୍ୱର : କିଟ୍ ଓ କିସ୍ ପରିଦର୍ଶନ କଲେ ଆମେରିକାର ଖ୍ୟାତି ସମ୍ପନ୍ନ ସିଟି ୟୁନିଭରସିଟି ଅଫ୍ ନିଉୟର୍କର ସଭାପତି ଡ. ମିଲ୍ଟନ୍ ସାଣ୍ଟିଆଗୋ । କିଟ୍ର ବିଭିନ୍ନ କ୍ୟାମ୍ପସ୍ ପରିଦର୍ଶନ କରିବା ସହ କିସ୍ର ବିଭିନ୍ନ ୟୁନିଟ୍ ବୁଲି ଦେଖିଥିଲେ । ଏହି ଅବସରରେ ସେ କିସ୍ର ୧୦ ହଜାର ଛାତ୍ରୀଙ୍କୁ ଉଦ୍ବୋଧନ ଦେଇ କିସ୍ ବିଶ୍ୱର ଏକ ଅନନ୍ୟ ଅନୁଷ୍ଠାନ ବୋଲି କହିଛନ୍ତି ।
କିସ୍ ପରିଦର୍ଶନ କରି ଅଭିଭୂତ ହୋଇପଡ଼ିଥିବା ସେ ଛାତ୍ରଛାତ୍ରୀଙ୍କୁ ପ୍ରକାଶ କରଥିଲେ । ସେ ବିଶ୍ୱର ବହୁ ଶିକ୍ଷାନୁଷ୍ଠାନ ପରିଦର୍ଶନ କରିଛନ୍ତି । ହେଲେ କିସ୍ ଭଳି ବିରଳ ଅନୁଷ୍ଠାନ କେବେ ଦେଖି ନାହାନ୍ତି ବୋଲି କହିଥିଲେ । ଏହି ଅବସରରେ ଛାତ୍ରଛାତ୍ରୀମାନଙ୍କୁ ପରାମର୍ଶ ଦେଇ ସେ କହିଲେ, କିସ୍ ଦେଉଥିବା ପର୍ଯ୍ୟାପ୍ତ ସୁଯୋଗର ସୁବିନିଯୋଗ କରିବା ଉଚିତ ।
କିଟ୍ ଓ କିସ୍ ପ୍ରତିଷ୍ଠାତା ଡ. ଅଚ୍ୟୁତ ସାମନ୍ତ କିସ୍ ଜରିଆରେ ଜନଜାତି ଛାତ୍ରଛାତ୍ରୀଙ୍କୁ ସମାଜର ମୁଖ୍ୟ ସ୍ରୋତରେ ସାମିଲ କରିବା ପାଇଁ ଯେଉଁ ଉଦ୍ୟମ ଜାରି ରଖିଛନ୍ତି ସାଣ୍ଟିଆଗୋ ତାର ଭୂୟସୀ ପ୍ରଶଂସା କରିଥିଲେ । ତାଙ୍କ ସହିତ ୮ଜଣିଆ ପ୍ରତିନିଧି ମଣ୍ଡଳ ଆଜି କିସ୍ ଓ କିଟ୍ ପରିଦର୍ଶନ କରିଥିଲେ।
