ବୃଦ୍ଧଙ୍କୁ ଟାଙ୍ଗିଆରେ ହାଣି ହତ୍ୟା, ସନ୍ଦେହ ଘେରରେ ଜ୍ୱାଇଁ
ରେଢାଖୋଲ : ବୃଦ୍ଧଙ୍କୁ ଟାଙ୍ଗିଆରେ ହାଣି ହତ୍ୟା । ସନ୍ଦେହ ଘେରରେ ଜ୍ୱାଇଁ । ରେଢାଖୋଲ କିସିଣ୍ଡା ଥାନା ଲୋଇସିଂ ଗାଁର ମୁଣ୍ଡାପଡାରେ ଘଟିଛି ଏହି ଅଭାବନୀୟ ଘଟଣା । ମୃତକଙ୍କ ନାମ ଲବ ମୁଣ୍ଡା ବୋଲି ଜଣାପଡ଼ିଛି ।
ସୂଚନା ଅନୁସାରେ, ଲବ ମୁଣ୍ଡା ନିଜ ଘର ବାରଣ୍ଡାରେ ଖଟ ଉପରେ ଶୋଇଥିବାବେଳେ ଆଜି ସକାଳୁ ଖଟ ତଳୁ ତାଙ୍କର ରକ୍ତ ଜୁଡୁବୁଡୁ ମୃତଦେହ ଉଦ୍ଧାର କରାଯାଇଛି। ଲବଙ୍କ ପତ୍ନୀ ଗତ କିଛି ବର୍ଷ ହେବ କେଉଁଆଡେ ଚାଲି ଯାଇଥିବାବେଳେ ଲବ ଘରେ ଏକୁଟିଆ ରହୁଥିଲା। ତେବେ ଲବ ମୁଣ୍ଡାଙ୍କ ଜ୍ୱାଇଁ ଗତ କିଛି ଦିନ ହେଲା ଶ୍ବଶୁର ଘରକୁ ଆସି ଲବଙ୍କ ସହିତ ମଝିରେ ମଝିରେ କୌଣସି କଥାକୁ ନେଇ ଝଗଡ଼ା କରି କରୁଥିଲେ । ଗତ କାଲି ମଧ୍ୟ ଶ୍ୱଶୁର ଜ୍ୱାଇଁଙ୍କ ମଧ୍ୟରେ ଝଗଡା ହେଇଥିବା ଗ୍ରାମବାସୀଙ୍କ ମଧ୍ୟରେ ଚର୍ଚ୍ଚା ହେଉଥିବାରୁ ଏହି ହତ୍ୟାକାଣ୍ଡରେ ଜ୍ୱାଇଁଙ୍କର ହାତ ଥିବା ସନ୍ଦେହ କରାଯାଉଛି। ଖବର ପାଇ କିସିଣ୍ଡା ପୁଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରିବା ସହ ତଦନ୍ତ ଆରମ୍ଭ କରିଥିବା ଜଣାପଡ଼ିଛି।
