ଜଳିଗଲା ବ୍ଯାଟେରୀ ଗାଡ଼ି, ଅଳ୍ପକେ ବର୍ତ୍ତିଲେ ଚାଳକ

ବ୍ରହ୍ମପୁର(କେନ୍ୟୁଜ): ହୁତୁ ହୁତୁ ହୋଇ ଜଳିଗଲା ବ୍ଯାଟେରୀ ଗାଡ଼ି । ଏଭଳି ଦୃଶ୍ଯ ଦେଖିବାକୁ ମିଳିଛି ବ୍ରହ୍ମପୁର ଉପକଣ୍ଠ ହଳଦିଆପଦର ଓଭରବ୍ରିଜ ଉପରେ । ଆଜି ସକାଳ ସମୟରେ ଜଣେ ବ୍ଯକ୍ତି ହଳଦିଆପଦର ଓଭରବ୍ରିଜ ଦେଇ ବ୍ରହ୍ମପୁରକୁ ଯାଉଥିବା ବେଳେ ହଠାତ ବ୍ଯାଟେରୀ ଗାଡ଼ିରେ ଧୂଆଁ ବାହାରିଥିଲା ।

ଧୂଆଁ ବାହାରିବା ଦେଖି ଗାଡି ଚାଳକ ଗାଡିରୁ ଓହ୍ଲାଇ ପଡିଥିଲେ । ଆଉ କିଛି ସମୟରେ ବ୍ଯାଟେରୀ ଗାଡ଼ିରେ ନିଆଁ ଲାଗିଯାଇଥିଲା । ନିଆଁ ଲାଗିବା ପରେ ଗାଡ଼ି ଚାଳକ ସେଠାରୁ ଧାଇଁ ପଳାଇଥିଲେ ।

ଏନେଇ ଗାଡି ଚାଳକ ଓ ସ୍ଥାନୀୟ ବାସିନ୍ଦା ଅଗ୍ନିଶମ ବିଭାଗକୁ ଖବର ଦେଇଥିଲେ । ଖବର ପାଇବା ପରେ ଅଗ୍ନିଶମ ବିଭାଗର ଅଧିକାରୀ ଓ କର୍ମଚାରୀ ଘଟଣାସ୍ଥଳରେ ପହଞ୍ଚି ବ୍ଯାଟେରୀ ଗାଡିରେ ଲାଗିଥିବା ନିଆଁକୁ ଆୟତ୍ତ କରିଥିଲେ ।