ହାତୀ ମୃତ୍ୟୁରେ ଲାଗୁନି ବ୍ରେକ, ଟ୍ରେନ ଧକ୍କାରେ ଗଲା ଆଉ ଏକା ଦନ୍ତାର ଜୀବନ
ଢେଙ୍କାନାଳ: ପୁଣି ଟ୍ରେନ ଧକ୍କାରେ ହାତୀ ମୃତ । ଢେଙ୍କାନାଳ ଜିଲ୍ଲା ସଦର ରେଞ୍ଜ ଅନ୍ତର୍ଗତ ଚିନ୍ତା ପୋଖରୀ ଠାରେ ଦୁର୍ଘଟଣା ଘଟିଛି । ୪୦ ଟିକିଆ ହାତୀ ପଲ ରେଳ ଧାରଣା ପାର ହେଉଥିବାବେଳେ ଧକ୍କା ଦେଇଥିଲା ମାଲବାହୀ ଟ୍ରେନ୍ ।
ଆଜି ଭୋରରୁ ଏହି ଦୁର୍ଘଟଣା ଘଟିଛି । ହାତୀ ଟିର ବୟସ ୧୨ ରୁ ୧୫ ବର୍ଷ ମଧ୍ୟରେ ହେବ । ଦୁର୍ଘଟଣା ପରେ ରେଳ ଚଳାଚଳ ବାଧାପ୍ରାପ୍ତ ହୋଇଥିଲା । ଖବର ପାଇଁ ଡିଏଫଓ ଓ ବନବିଭାଗ ଅଧିକାରୀ ମାନେ ଘଟଣା ସ୍ଥଳରେ ପହଞ୍ଚି ମୃତଦେହ କୁ ଉଠାଇଥିଲେ । ରେଳ ଧାରଣା କଡ଼କୁ ହାତୀ ମୃତଦେହ ସ୍ଥାନାନ୍ତର କରିବା ପରେ ରେଳ ଚଳାଚଳ ସ୍ବାଭାବିକ ହୋଇଛି । ବନ ବିଭାଗ ତରଫରୁ ସନ୍ଧ୍ୟା ୬ଟାରୁ ସକାଳ ୬ଟା ମଧ୍ୟରେ ସତର୍କତା ପ୍ରଦାନ କରାଯାଇଥାଏ । ହେଲେ ଟ୍ରେନ ଚାଳକ ସତର୍କ ସୂଚନାକୁ ମାନି ନଥିବା ଅଭିଯୋଗ ହୋଇଛି । କେଉଁ ପରିସ୍ଥିତରେ ଦୁର୍ଘଟଣା ଘଟିଲା ତଦନ୍ତ କରୁଛି ସ୍ଥାନୀୟ ପୋଲିସ ।