ପୁଣି ସଙ୍କଟରେ ଗଜରାଜ, ବିଦ୍ୟୁତ ତାର ଲାଗି ଦନ୍ତା ମୃତ
ସୁନ୍ଦରଗଡ଼ : ପୁଣି ସଙ୍କଟରେ ଗଜରାଜ । ବିଦ୍ୟୁତ ତାର ଲାଗି ଦନ୍ତା ମୃତ। ସୁନ୍ଦରଗଡ଼ ଲାଠିକଟା ବ୍ଲକ୍ ନୁଆ ଗାଁ ନିକଟସ୍ଥ ଜଙ୍ଗଲରୁ ଦନ୍ତା ହାତୀର ମୃତଦେହ ଠାବ ହୋଇଛି । ଖବର ପାଇ ପାନପୋଷ ରେଞ୍ଜ ଅଧିକାରୀ ଓ ତାଙ୍କ ଟିମ୍ ଘଟଣାସ୍ଥଳରେ ପହଞ୍ଚି ହାତୀଟି ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି । ଗତକାଲି ରାତିରେ ହାତୀଟି ଖାଦ୍ୟ ଅନ୍ୱେଷଣରେ ଆସିଥିଲା । ଏହି ସମୟରେ ନୂଆଗାଁ ନିକଟ ଜଙ୍ଗଲ ଦେଇ ଯାଇଥିବା ବିଦ୍ୟୁତ ତାର ସଂସ୍ପର୍ଶରେ ହାତୀଟି ଆସିଯାଇଥିଲା । ଘଟଣାସ୍ଥଳରେ ତାର ମୃତ୍ୟୁ ଘଟିଥିଲା ।
ଅନ୍ୟପଟେ ଘଟଣା ସ୍ଥଳରେ ରାଉରକେଲା ଡିଏଫଓ ପହଞ୍ଚି ଏନେଇ ଅନୁଧ୍ୟାନ କରିଛନ୍ତି । ଇଟାଭାଟିକୁ ଯାଇଥିବା ଵିଦ୍ୟୁତ ତାର ସଂସ୍ପର୍ଶରେ ଆସି ହାତୀ ମୃତ୍ୟୁ ଵରଣ କରିଥିବା ଵନ ଵିଭାଗ ପ୍ରାଥମିକ ତଦନ୍ତରୁ ଜଣା ପଡିଛି । ତେବେ ଇଟାଭାଟି କର୍ମଚାରୀ ଫେରାର ଥିବା ଜଣାପଡିଛି ।
