ତାଳଚେର ଧରମପୁର ଗାଁ ନିକଟରେ ହାତୀ ଉପଦ୍ରବ, ଏକ ଦୋକାନ ଘରକୁ ଭାଙ୍ଗିଲେ ଗୋଠ ଛଡା ଦନ୍ତା ହାତୀ

ତାଳଚେର : ତାଳଚେର ଧରମପୁର ଗାଁ ନିକଟରେ ହାତୀ ଉପଦ୍ରବ ।  ଗତକାଲି ବିଳମ୍ବିତ ରାତିରେ ଏକ ଗୋଠ ଛଡା ଦନ୍ତା ହାତୀ ଗାଁ ନିକଟରେ ଥିବା ଏକ ଦୋକାନ ଘରକୁ ଭାଙ୍ଗିଛନ୍ତି ।  ଦୁଇ ଯାଯାବର ପରିବାରଙ୍କ ଘରକୁ ଭାଙ୍ଗି ଦେଇଥିବା ଦେଖିବାକୁ ମିଳିଛି  ।  ଘରେ ଥିବା ଆସବାବପତ୍ରକୁ ନଷ୍ଟ କରୁଥିବା ବେଳେ ଜୀବନ ବିକଳରେ ସେଠାରୁ ଦୌଡ଼ି ପଳାଇ ଅଳ୍ପକେ ବର୍ତ୍ତି ଯାଇଛନ୍ତି ଦୁଇ ପରିବାର ।

ଏହି ଗୋଠ ଛଡା ହାତୀକୁ ନେଇ ଏବେ ଭୟଭୀତ ଅଛନ୍ତି ଆଖପାଖ ଅଞ୍ଚଳର ଗ୍ରାମବାସୀ ।  ପରେ ବନ ବିଭାଗ ପହଁଚି ହାତୀ ଗତିବିଧି ଉପରେ ନଜର ରଖିବା ସହ ହାତୀଟିକୁ ଅନ୍ୟତ୍ର ଘଉଡ଼ାଇବା ପାଇଁ ପ୍ରୟାସ ଜାରି ରଖିଛନ୍ତି ।