ମାହାଙ୍ଗା(କେନ୍ଯୁଜ୍): କଟକ ଜିଲ୍ଲା ନିଶ୍ଚିନ୍ତକୋଇଲି ବ୍ଲକ ଫୋଗଳ ଗହିର ଧାନ ବିଲ ଭିତରେ ଏକ ହାତୀ ଦେଖିବାକୁ ମିଳିଛି। ହାତୀକୁ ଦେଖି ଲୋକେ ଭୟବିତ ହୋଇପଡିଛନ୍ତି । ଘଟଣାସ୍ଥଳରେ ବନ ବିଭାଗ କର୍ମଚାରୀ ଘଟଣା ସ୍ଥଳରେ ପହଂଚି ଥିବା ସୂଚନା ମିଳିଛି । ତେବେ ହାତୀଟି ଧାନ ବିଲ ଭିତରେ ଦୌଡୁଥିବାବେଳେ ଲୋକେ ମଧ୍ଯ ହାତୀର ପିଛା କରୁଛନ୍ତି ।
ତେବେ ମିଳିଥିବା ସୂଚନା ମୁତାବକ, ଫୋଗଳ ଗ୍ରାମରେ ହାତୀ ଘଉଡ଼ାଇବା ପାଇଁ ପହଞ୍ଚିଛନ୍ତି ନିଶ୍ଚିନ୍ତକୋଇଲି ଅଗ୍ନିଶମ ବିଭାଗ ଓ ବଇରୀ ବନ ବିଭାଗ ଟିମ୍। ଏମାନେ ହାତୀ ଘଉଡ଼ାଇବାକୁ ଚେଷ୍ଟା ଜାରି ରଖିଛନ୍ତି । ଏପଟେ ମାଇକ ପ୍ରଚାର କରି ଲୋକ ମାନଙ୍କୁ ହାତୀ ପାଖକୁ ନ ଆସିବା ପାଇଁ ସତର୍କ କରାଉଛି ବନ ବିଭାଗ ।