ଅମ୍ଫନ ପ୍ରଭାବରେ ଭାଙ୍ଗିଲା ପାନ ବରଜ, ଚିନ୍ତାରେ ଚାଷୀ
କଟକ(କେନ୍ଯୁଜ୍): ଅମ୍ଫନ ପ୍ରଭାବରେ ଭାଙ୍ଗିଲା ପାନ ବରଜ। କଟକ ଜିଲ୍ଲା ନିଆଳି, କଣ୍ଟାପଡ଼ା ଓ ଖୋର୍ଦ୍ଧା ଜିଲ୍ଲା ବାଲିପାଟଣା ବ୍ଲକ୍ ଅଞ୍ଚଳରେ ହଜାର ହଜାର ପାନ ଚାଷୀ ପାନ ବରଜ ମାଧ୍ୟମରେ ପରିବାର ଗୁଜୁରାଣ ମେଣ୍ଟାଇଥାନ୍ତି। ଚଳିତ ଅମ୍ଫନ ପ୍ରଭାବରେ ନିଆଳି ବ୍ଲକର ହଳଦି ବସନ୍ତ,ବିଳାଶୁଣୀ, ନୂଆଗାଁ,ବିନିଶପୁର ଓ ବାହାରଣା ପଞ୍ଚାୟତରେ ଭାଙ୍ଗିପଡିଛି ଶତାଧିକ ପାନବରଜ। କରୋନା ପ୍ରଭାବରେ ପାନଚାଷୀ ଅଭାବି ବିକ୍ରୀର ସମ୍ମୁଖୀନ ହୋଇଛନ୍ତି। ସେହିପରି ଗତ ଫନି ବାତ୍ୟାରେ ମଧ୍ୟ ପାନଚାଷୀ ସର୍ବଶାନ୍ତ ହୋଇଥିଲେ। ଏବେ ଅମ୍ଫନ ପାନ ଚାଷୀଙ୍କ ମେରୁଦଣ୍ଡ ଭାଙ୍ଗି ଦେଇଛି।
