ବେଙ୍ଗାଳୁରୁ(କେନ୍ୟୁଜ୍): ବେଙ୍ଗାଳୁରୁ ରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି । ଋଣ ବୁଝ ସହି ନପାରି ନିଜ ଝିଅକୁ ହତ୍ୟା କରିବା ପରେ ଆତ୍ମହତ୍ୟା କରିବାକୁ ଉଦ୍ୟମ କରି ବିଫଳ ହୋଇ ଏବେ ପୋଲିସ ଦ୍ୱାରା ଗିରଫ ହୋଇଛନ୍ତି ଜଣେ ବ୍ୟକ୍ତି । ସୂଚନା ଯେ ବ୍ୟକ୍ତି ଜଣଙ୍କ ବେଙ୍ଗାଲୁରୁ ବାହାରକୁ ଯିବା ପରେ ତାଙ୍କର ଅଢେଇ ବର୍ଷର ଝିଅ ପାଇଁ କିଛି ବିସ୍କୁଟ ଏବଂ ଚକୋଲେଟ୍ କିଣିଥିଲେ। ଏପରିକି ସେ ତାଙ୍କ ସହିତ ପଛ ସିଟରେ ଖେଳିଥିଲେ। କିନ୍ତୁ ଋଣଦାତାମାନଙ୍କ ଦ୍ୱାରା ନିର୍ଯ୍ୟାତନା ତାଙ୍କୁ ବେଶୀ ଆଘାତ ଦେଇଥିଲା। ଘରକୁ ଫେରିବା ପାଇଁ ତାଙ୍କ ମନ କୁଣ୍ଠା ପ୍ରକାଶ କଲା। ଶେଷରେ ନିଜ ଜୀବନକୁ ଶେଷ କରିବାକୁ ଚେଷ୍ଟା କରିବା ପୂର୍ବରୁ ଛୋଟ ଝିଅକୁ ହତ୍ୟା କଲା।
ଆତ୍ମହତ୍ୟା ଉଦ୍ୟମରୁ ବଞ୍ଚିଥିବା ଋଣଗ୍ରସ୍ତ ୪୫ ବର୍ଷିୟ ରାହୁଲ ପରମାର ସ୍ଥାନୀୟ ପୋଲିସକୁ ଏହା କହିଛନ୍ତି। “ସେ କାନ୍ଦିବାକୁ ଲାଗିଲା ଏବଂ ମୋ ପାଖରେ ଟଙ୍କା ନଥିଲା। ଯଦି ମୁଁ ଘରକୁ ଫେରିବି ତେବେ ଏକ ଖରାପ ପରିସ୍ଥିତି ମୋତେ ଅପେକ୍ଷା କରିଥିଲା। ମୁଁ ତାକୁ ଜୋରରେ ଆଲିଙ୍ଗନ କରି ହତ୍ୟା କରିଥିଲି। ତା ଖାଦ୍ୟ କିଣିବାରେ ମୋର ଅସହାୟତା ମୋତେ ଏଭଳି କରିବାକୁ ବାଧ୍ୟ କରିଥିଲା।ମୁଁ ନିଜକୁ ମାରିବା ପାଇଁ ତା ସହ ହ୍ରଦକୁ ଡେଇଁପଡିଥିଲି, କିନ୍ତୁ ବୁଡ଼ି ନଥିଲି ବୋଲି ସେ କହିଛନ୍ତି। ରାହୁଲ କୋଲାର ତାଙ୍କ ଝିଅ ଜିଆକୁ ହତ୍ୟା କରିଥିବା ଅଭିଯୋଗରେ ପୋଲିସ ଗିରଫ କରିଛି।