ପାଉଁଶ ପରିବହନ ବିବାଦରୁ ଫୁଟିଲା ଗୁଳି, ଦୁଇ ଗୁରୁତର
ସୁନ୍ଦରଗଡ : ପାଉଁଶ ପରିବହନ ବିବାଦରୁ ଫୁଟିଲା ଗୁଳି । ସୁନ୍ଦରଗଡ଼ ଭଷ୍ମା ଥାନା ଦର୍ଲିପାଲିରେ ଗୁଳିମାଡ଼ । ଏନଟିପିସିରୁ ପାଉଁଶ ପରିବହନକୁ କେନ୍ଦ୍ର କରି ଦୁଇ ଗୋଷ୍ଠୀ ମଧ୍ୟରେ ଗଣ୍ଡଗୋଳ ପରେ ଗୁଳି ମାଡ଼ ହୋଇଛି । ସଞ୍ଜୟ ପାଣ୍ଡେ ଓ ସମୀର ନାମକ ଦୁଇ ଯୁବକଙ୍କୁ ଦଶରୁ ପନ୍ଦର ଜଣ ଯୁବକ ଆସି ମାଡ଼ପିଟ କରିବା ସହ ଫାଙ୍କା ଗୁଳିଚାଳନା କରିଥିଲେ । ଏହାସହ ଭୁଜାଲିରେ ଆକ୍ରମଣ କରିଥିଲେ । ଦୁଇ ଗୁରୁତରଙ୍କୁ ସୁନ୍ଦରଗଡ଼ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ଭଷ୍ମା ପୋଲିସ ପହଞ୍ଚି ଘଟଣାର ତଦନ୍ତ କରୁଛି । ଏନଟିପିସିରୁ ପାଉଁଶ ଓଭର ଲୋଡିଂକୁ ନେଇ ଗୁଳିମାଡ଼ ହୋଇଥିବା ଜଣାପଡ଼ିଛି ।
