ଭାଇରାଲ ଅଶ୍ଳୀଳ ଗୀତକୁ ନେଇ ଥାନାରେ ଅଭିଯୋଗ
ଯାଜପୁର (କେନ୍ୟୁଜ) : ସୋସିଆଲ ମିଡ଼ିଆରେ ଭାଇରାଲ ହୋଇଥିବା ଏକ ଅଶ୍ଳୀଳ ଗୀତକୁ ନେଇ ଯାଜପୁର ଜିଲ୍ଲା ବଡ଼ଚଣା ଥାନାରେ ଅଭିଯୋଗ ହୋଇଛି । ଏଭଳି ଗୀତ ପରିବେଷଣ ହେବା ଦ୍ୱାରା ଯୁବ ପିଢ଼ି ଓ ସମାଜ ଉପରେ ଏହାର କୁପ୍ରଭାବ ପଡିବ ବୋଲି ସଙ୍ଗଠନ ପକ୍ଷରୁ ଅଭିଯୋଗରେ ଦର୍ଶାଯାଇଛି।
ଅଭିଯୋଗ ମୁତାବକ. ଓଡ଼ିଆ ଭାଷାକୁ କଦର୍ଯ୍ୟ କରି ଗୀତରେ ଅଶ୍ଳୀଳ ଶବ୍ଦ ବ୍ୟବହାର ନେଇ ବଡ଼ଚଣା ଥାନାରେ ଅଭିଯୋଗ ହୋଇଛି । ଏହି ଅଶ୍ଳୀଳ ଗୀତକୁ ନେଇ ଯାଜପୁର ଜିଲ୍ଲା ବଡ଼ଚଣା ଥାନାରେ ଆଶାର ଦିଶା ଫାଉଣ୍ଡେସନ ତରଫରୁ ଲିଖିତ ଅଭିଯୋଗ କରାଯାଇଛି।
ଏହି ଗୀତରେ ସମ୍ପୃକ୍ତ କଣ୍ଠଶିଳ୍ପୀଙ୍କ ସମେତ ସଂଗୀତ ନିର୍ଦ୍ଦେଶକ ଓ ମ୍ୟୁଜିକ କମ୍ପାନୀ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ପାଇଁ ଦାବି କରାଯାଇଛି। ଏଭଳି ଗୀତ ପରିବେଷଣ ହେବା ଦ୍ୱାରା ଯୁବ ପିଢ଼ି ଓ ସମାଜ ଉପରେ ଏହାର କୁପ୍ରଭାବ ପଡିବ ବୋଲି ସଙ୍ଗଠନ ପକ୍ଷରୁ ଅଭିଯୋଗରେ ଦର୍ଶାଯାଇଛି।
ଏନେଇ ସଂଗଠନର କର୍ମକର୍ତ୍ତାମାନେ ନିନ୍ଦା କରିବା ସହ ଦୃଢ଼ କାର୍ଯ୍ୟାନୁଷ୍ଠାନ ପାଇଁ ବଡ଼ଚଣା ଥାନା ଅଧିକାରୀଙ୍କ ନିକଟରେ ଦାବି କରିଛନ୍ତି।
