ପୁଅ ପାଇଁ ମାଆ ଗାଡି କିଣି ନେଉଛି ସେପଟେ ଚାପ ଦେଖିବାକୁ ଯାଇ ଚାଲିଗଲାଣି ପୁଅର ଜୀବନ

ଭୁବନେଶ୍ୱର (କେନ୍ୟୁଜ) : ମା ପାଦ ତଳୁ ଖସିଗଲା ମାଟି, ଏବେ ମାଆକୁ ଆଉ କିଏ ସମ୍ଭାଳେ । କାନ୍ଦି କାନ୍ଦି କହୁଥିଲା…. ଧନରେ ତୁ କହିଥିଲୁ ନା ମମି ନୂଆ ଗାଡି ଭୁବନେଶ୍ୱରରୁ ଆଣିବୁ ମୁଁ ସେହି ଗାଡି ଚଲେଇଵି, ଚାରିଆଡେ ବୁଲିବି । ଦେଖ ଗେଲୁ ତୋ ପାଇଁ ବହୁତ ସୁନ୍ଦର ବଡ଼ ଗାଡି ଆଣିଛି । ତୁ କଣ ସେ ଗାଡିରେ ବସି ବୁଲିବୁନି ରାଗିଛୁ ? ଆ.. ମୋ ସୁନା ଗେଲୁ ଦେଖିଲୁ କେତେ ବଢିଆ ହୋଇଛି ତୋ ଗାଡିସବୁ । ଏମିତି ହୃଦୟ ବିଦାରକ କଥା କହି ମନେ ପକାଇ କାନ୍ଦୁଥିଲା ମାଆଟି । ପାଖରେ ବସିଥିଲା ଆଉ ଗୋଟିଏ କୁନି ଝିଅ ଯିଏକି ମାଆ କୁ ବୁଝାଉଥାଏ, ମାଆ ତୁ କାନ୍ଦେନି ପୁଅ ଫେରି ଆସିବ କହି କହି ନିଜ ଆଖିର ଲୁହକୁ ସମ୍ଭାଳି ପାରୁନଥାଏ । ଭୋ ଭୋ ହୋଇ କାନ୍ଦି ପକାଉଥାଏ l କେମିତି ଅବା ନକାନ୍ଦିବ ତା କୁନି ଭାଇ ସହିତ ଖୁବ୍ ଖେଳିଛି ସେ ଅନେକ ମଜା କରିଛି ସେ । ଆଉ ଆଜି ତାର କୁନି ଭାଇଟି ଯେତେବେଳେ ତାଠାରୁ ଦୂରକୁ ବହୂ ଦୁରକୁ ଆରପାରିକୁ ଚାଲିଯାଇଛି କେମିତି ଅବା ସମ୍ଭାଳି ହୋଇ ରହିବ । କିନ୍ତୁ ଏକଣ ହେଲା ଗାଡି ଚଢିବା ପୂର୍ବରୁ କୌଟଲ୍ୟ ଆଉ ନାହିଁ ଚାଲି ଗଲା ଏତେ ଦୁରକୁ ଯେ ଯେଉଁଠୁ ଆଉ କେବେବି ଫେରିବନି ସେ । କୌଟଲ୍ୟ ପାଖରେ ମାଆ କିଣିଥିବା ଗାଡି ପହଁଚିବା ଅଳ୍ପ ସମୟ ପୂର୍ବରୁ ଖବର ମିଳିଥିଲା ନରେନ୍ଦ୍ରପୋଖରୀ ଚାପ ଖେଳ ସମୟରେ ଆତଶବାଜି ବେଳେ ବିସ୍ଫୋରଣର କରାଳ ଗର୍ଭରେ ସବୁଦିନ ପାଇଁ ହଜି ଯାଇଛି କୁନି ଶିଶୁ କୌଟଲ୍ୟ ।

ଏମିତି କିଛି କଥା ହୃଦୟ କୁ ସମସ୍ତଙ୍କର କନ୍ଦାଉ ଥିଲା କି ନୂଆ ଗାଡିଟିଏ ଭାରି ଖୁସିରେ ନେଇକି ମା ଯାଉଥିଲେ ହେଲେ ଗାଡି ପାଇଁ କହିଥିବା କୁନି କୌଟଲ୍ୟ ସମସ୍ତଙ୍କୁ ଦୁଃଖ ସାଗରେ ଭସାଇ ଚାଲିଗଲା । ରେ ଜଗା ତୋର କଣ ଏହି ବିଚାର ଦୁଇ ବର୍ଷର କୁନି ଛୁଆଟି ତୋର କି ଦୋଷ କରିଥିଲା ତାକୁ ତା ମାଆ କୋଳରୁ କାହିଁକି ଛଡାଇ ନେଲୁ । ହଁ ଆମେ କହୁଛୁ ପୁରୀ ନରେନ୍ଦ୍ର ପୋଖରୀ ବାଣ ବିସ୍ଫୋରଣ କଥା । ଯେଉଁ ବାଣ ବିସ୍ଫୋରଣ ସମସ୍ତଙ୍କ ମନରେ ଭରି ଦେଇଥିଲା ଅନେକ ଦୁଃଖ ଆଉ ଯନ୍ତ୍ରଣା । ଯାହା କେବେବି ଲିଭିବନି । କାହା ଠାରୁ ଭାଇ ତ ଆଉ କୋଉ ମାଆ ଠାରୁ ପୁଅକୁ । ସ୍ତ୍ରୀ ଠାରୁ ଶଙ୍ଖା ସିନ୍ଦୁରକୁ ପୁଣି କେଉଁ ଝିଅ ଠାରୁ ତା ବାପାକୁ । ଏତେ ବଡ଼ ଦୁଃଖ ଦେଲେ କାଳିଆ ସାଆନ୍ତେ ଦରଦୀ ବନ୍ଧୁ ।

ପରିବାର ଲୋକଙ୍କ କହିବା ଅନୁସାରେ ଦେବଦତ୍ତ ସ୍ୱାଇଁ ନାମକ ବ୍ୟକ୍ତି ପୁରୀ ଜଗନ୍ନାଥ ମନ୍ଦିର ଅଞ୍ଚଳର ବାସିନ୍ଦା । ଦେବଦତ୍ତ ସ୍ବାଇଁଙ୍କ ଗୋଟିଏ ଦୁଇ ବର୍ଷର କୁନି ପୁଅ ତା ନାମ କୌଟଲ୍ୟ । ଦେବଦତ୍ତ ଫୁଲ ଦୋକାନ କରି ପରିବାର ଚଳାନ୍ତି । ଘଟଣା ଦିନ ସନ୍ଧ୍ୟା ସମୟରେ ମହାପ୍ରଭୁ ଚାପ ଖେଳ ପାଇଁ ନରେନ୍ଦ୍ର ପୋଖରୀକୁ ଯାଇଥିଲେ । ସେହି ଚାପଖେଳ ଦେଖିବାକୁ ଦେବଦତ୍ତ ଦୁଇ ବର୍ଷର କୁନି ଶିଶୁ କୌଟଲ୍ୟକୁ ନେଇ ପହଞ୍ଚି ଯାଇଥିଲେ ନରେନ୍ଦ୍ର ପୋଖରୀ ନିକଟରେ । ସେବାୟତ ମାନେ ସେଵା ଯୋଗାଇ ଦେଉଥାନ୍ତି ଚାପ ଖେଳରେ । ମହାପ୍ରଭୁ ଚାପ ଖେଳୁ ଥିବାବେଳେ ଆତଶ ବାଜି ଆରମ୍ଭ ହୋଇଥିଲା ।

ଆଉ ସେହି ଆତଶ ବାଜି ହିଁ ସେଠାରେ ଉପସ୍ଥିତ ଥିବା ସବୁ ଲୋକଙ୍କ ପାଇଁ କାଳ ହୋଇଥିଲା । ଆତଶ ବାଜି ଭିତରେ ହଠାତ ନିଆ ଲାଗିଥିଲା ଏବଂ ଭୟଙ୍କର ବିସ୍ଫୋରଣ ଘଟିଥିଲା । ସେହି ବିସ୍ଫୋରଣର ନିଆରେ ଅନେକ ଜୀବନ ଚାଲି ଯାଇଥିବା ବେଳେ ଦେବଦତ୍ତ ଗୁରୁତ୍ତର ଅବସ୍ଥାରେ ସ୍ଥାନୀୟ ପୁରୀ ମେଡିକାଲ ନେଇଥିଲେ । ତାପରେ ଭୁବନେଶ୍ୱର ଘରୋଇ ହସ୍ପିଟାଲରେ ଜୀବନ ସହିତ ସଂଗ୍ରାମ କରୁଛନ୍ତି । କୁନି କୌଟଲ୍ୟକୁ ମଧ୍ୟ ଏକ ଘରୋଇ ହସ୍ପିଟାଲକୁ ଗୁରୁତ୍ତର ଅବସ୍ଥା ରେ ଅଣା ଯାଇଥିଲା । ହେଲେ ମେଡିକାଲରେ ଜୀବନ ସଂଗ୍ରାମରେ ହାରିଯାଇଥଲା କୋଟଲ୍ୟ । ସେହି ମେଡିକାଲରେ ଶେଷ ନିଶ୍ୱାସ ତ୍ୟାଗ କଲା । ସେପଟେ ଦେବଦତ୍ତଙ୍କ ଅବସ୍ଥା ମଧ୍ୟ ଶଙ୍କଟାପର୍ଣ୍ଣ ରହିଛି । ସାରା ଓଡିଶାକୁ ଥରାଇ ଦେଇଛି ଏହି ବାଣ ବିସ୍ଫୋରଣ । ଚାଲି ଯାଇଛି ଅନେକଙ୍କ ଜୀବନ । ସେହି ମୃତକ ମାନଙ୍କ ମଧ୍ୟରୁ ଦୁଇ ବର୍ଷର କୁନି ଶିଶୁ କୋଟଲ୍ୟ ବି ରହିଛି । ଗାଡି କିଣି ମାଆ ତା ପାଖକୁ ନେଇକି ଯାଉଥିଲା ହେଲେ କୌଟଲ୍ୟ ଆଉ ଚଢ଼ି ପାରିଲାନି, ଅଧୁରା ରହିଗଲା ତାର ଇଚ୍ଛା…..