ଘଟିଲା ଅଘଟଣ : ଓଡ଼ିଶାରେ କରୋନାରେ ପ୍ରଥମ ମୃତ୍ୟୁ, ଜଣାପଡ଼ିଲା ମୃତ୍ୟୁ ପରେ
ଭୁବନେଶ୍ବର: ଓଡିଶାର ପ୍ରଥମ କରୋନା ମୃତ୍ୟୁ । ସୂଚନା ଅନୁଯାୟୀ ଏହି କରୋନା ଆକ୍ରାନ୍ତଙ୍କ ବୟସ ୭୨ବର୍ଷ । ତାଙ୍କ ଘର ଝାରପଡା ଅଞ୍ଚଳରେ । ତାଙ୍କର ଗତକାଲି ଚିକିତ୍ସାଧୀନ ଅବସ୍ଥାରେ ଏମସ୍ ହସ୍ପିଟାଲରେ ମୃତ୍ୟୁ ହୋଇଥିବା ଜଣାପଡିଛି ।
ଏ ସମ୍ପର୍କରେ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ସୂଚନା ଦେଇଛି । ଗତ ୪ ତାରିଖ ଦିନ ସେ ଏମ୍ରେ ଭର୍ତ୍ତି ହୋଇଥିଲେ । ଗତକାଲି ତାଙ୍କର ମୃତ୍ୟୁ ହୋଇଛି । ଏବେ ତାଙ୍କ ସଂସ୍ପର୍ଶରେ କିଏ ସବୁ ଆସିଛନ୍ତି ସେ ନେଇ ଯାଞ୍ଚ ଚାଲିଛି ।
One 72 years male belonging to Jharpada had been admitted to AIIMS Bhubaneswar on 4th April with complaint of respiratory distress. He had history of chronic hypertension. He expired on 6th April. He was tested positive for COVID-19.
Contact tracing and containment is ongoing.— H & FW Dept Odisha (@HFWOdisha) April 7, 2020
ଏହି ୭୨ ବର୍ଷ ବୟସ୍କ ବ୍ୟକ୍ତି ଜଣକର ଅନେକ ଦିନରୁ ହାଇପରଟେନସନ୍ ଥିଲା । ସେ ନିଶ୍ୱାସ ନେବାରେ କଷ୍ଟ ଅନୁଭବ କରିବାରୁ ତାଙ୍କୁ ୪ ତାରିଖ ଦିନ ଏମ୍ସରେ ଭର୍ତ୍ତି କରାଯାଇଥିଲା । ତେବେ ସୋମବାର ଦିନ ତାଙ୍କର ମୃତ୍ୟୁ ହୋଇଯାଇଛି । ତାଙ୍କ ନମୂନା ପରୀକ୍ଷା ପରେ ସେ କୋଭିଡ୍-୧୯ ପଜେଟିଭ୍ ଥିବା ସ୍ପଷ୍ଟ ହୋଇଛି । ତେବେ ଏକଥା ଜଣାପଡ଼ିଲା ତାଙ୍କ ମୃତ୍ୟୁ ପରେ । ଏହା ପରେ ତାଙ୍କ ପରିବାର ଲୋକଙ୍କ ନମୂନା ସଂଗ୍ରହ କରାଯାଉଛି ।
ମୃତ୍ୟୁ ପରେ ଜଣାପଡ଼ିଲା କୋଭିଡ୍ ପଜେଟିଭ୍ ବୋଲି
