ନରହନ୍ତା ଦନ୍ତାକୁ ଟ୍ରାଙ୍କୁଲାଇଜ କଲା ବନବିଭାଗ, ଚିକିତ୍ସା ପାଇଁ ନିଆଗଲା କପିଳାସ
ବାରିପଦା : ନରହନ୍ତା ଦନ୍ତାକୁ ଟ୍ରାଙ୍କୁଲାଇଜ କଲା ବନବିଭାଗ । ବାରିପଦା ରେଞ୍ଜ ବାଦଲସାହି ଜଙ୍ଗଲ ନିକଟରେ ହାତୀକୁ ଟ୍ରାଙ୍କୁଲାଇଜ ପରେ ଚିକିତ୍ସା ପାଇଁ କପିଳାସ ନିଆଗଲା । ଚିକିତ୍ସା ପରେ ତାକୁ ଜଙ୍ଗଲରେ ଛଡ଼ା ଯିବ । ବାରିପଦା ବନଖଣ୍ଡ ଅଧୀନ ବେତନଟୀରେ ମାତିଥିଲା ଗୋଠଛଡ଼ା ଦନ୍ତାହାତୀ ।
ଗତ ୩ ଦିନରେ ଏହି ଦନ୍ତା ଆକ୍ରମଣରେ ୪ଜଣଙ୍କ ଜୀବନ ଯାଇଥିବା ବେଳେ ୪ଜଣ ଗୁରୁତର ଆହତ ଡାକ୍ତରଖାନାରେ ଭର୍ତ୍ତି ହୋଇଛନ୍ତି । ଗତରାତିରେ ବୁଢିଖମାରୀ ବାଦଲସାହି ଜଙ୍ଗଲରେ ଥିବା ଦନ୍ତାହାତୀକୁ ଟ୍ରାଙ୍କୁଲାଇଜ କରିଛନ୍ତି ବନବିଭାଗ ଅଧିକାରୀ ।
ଟ୍ରାଙ୍କୁଲାଇଜ ହେଵା ପରେ ଦନ୍ତାହାତୀଟି ଭୟଭୀତ ହୋଇ ଜଙ୍ଗଲ ଭିତରକୁ ପଶି ଯାଇଥିଲା। ପରେ ହାତୀକୁ ଠାବ କରିଥିଲା ବନ ବିଭାଗ। ବାରିପଦା ବନଖଣ୍ଡ ଅଧିକାରୀ ଙ୍କ ନେତୃତ୍ୱରେ ସ୍ୱତନ୍ତ୍ର ଟିମ ଗଠନ କରାଯାଇ ହାତୀ ଉପରେ ନଜର ରଖା ଯାଇଛି।
