MCLର ପୂର୍ବତନ ଅଧିକାରୀଙ୍କ ଉନ୍ମତ୍ତ କାଣ୍ଡ, ସଫେଇ କର୍ମଚାରୀଙ୍କ ଉପରକୁ କଲେ ଫାଙ୍କା ଗୁଳି ଚାଳନା

ଝାରସୁଗୁଡା: ଏମସିଏଲର ପୂର୍ବତନ ପ୍ରବନ୍ଧକଙ୍କ ଉନ୍ମତ୍ତ କାଣ୍ଡ । ସଫେଇ କର୍ମଚାରୀଙ୍କୁ ଭୟଭୀତ କରିବାକୁ ତିନି ରାଉଣ୍ଡ ଫାୟାରିଂ । ଝାରସୁଗୁଡାର ଅମ୍ବିକା ନଗରରେ ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି ।

ସନ୍ଧ୍ୟାରେ ଅମ୍ବିକା ନଗରରେ ସଫେଇ କର୍ମଚାରୀମାନେ ସଫେଇ କରୁଥିବା ବେଳେ ସେମାନଙ୍କୁ ଅଟକାଇଥିଲେ ଏମସିଏଲର ପୂର୍ବତନ ପ୍ରବନ୍ଧକ ଆରଜେ ସିଂ ।  ତାଙ୍କ ପରିବାର ସଦସ୍ୟ ମଧ୍ୟ ରାସ୍ତାକୁ ଆସି ସଫେଇ କର୍ମଚାରୀଙ୍କୁ ସଫେଇ ନକରିବାକୁ ଧମକାଇଥିଲେ ।  ସଫେଇ କାମ ନକରିବା ପାଇଁ ସେମାନଙ୍କୁ ଭୟଭୀତ କରିଥିଲେ ।  ପାଖରେ ଥିବା ବନ୍ଧୁକରୁ ତିନି ରାଉଣ୍ଡ ଫାୟାରିଂ କରିଥିଲେ ।  ଆକାଶକୁ ଦୁଇ ରାଉଣ୍ଡ ଓ ସଫେଇ କାର୍ଯ୍ୟ କରୁଥିବା ବ୍ୟକ୍ତିଙ୍କ ଉପରକୁ ଗୋଟିଏ ରାଉଣ୍ଡ ଫାୟାରିଂ କରିଥିଲେ ।  ଝାରସୁଗୁଡ଼ା ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।