କାଠ ଯୋଡ଼ି ନିକଟରେ ନିଖୋଜ ଯୁବକ ତୁଷାରଙ୍କ ସମ୍ପର୍କରେ ସୂଚନା ଦେଲେ ମିଳିବ ୨୦ ହଜାର ଟଙ୍କା, ସୂଚନା ଦେଲେ ତାଙ୍କ ସାଙ୍ଗ
କଟକ : କାଠ ଯୋଡ଼ି ନଦୀ ନିକଟରେ ନିଖୋଜ ଯୁବକ ତୁଷାର ଭଟ୍ଟଙ୍କ ସମ୍ପର୍କରେ ସୂଚନା ଦେଲେ ମିଳିବ ୨୦ ହଜାର ଟଙ୍କା । ଏମିତି ସୂଚନା ଦେଇଛନ୍ତି ତାଙ୍କର ଜଣେ ସାଙ୍ଗ । ଏ ନେଇ ସେ ଏକ ଭିଡ଼ିଓ ବାର୍ତ୍ତା ଛାଡିଛନ୍ତି । ତୁଷାରଙ୍କ ସମ୍ପର୍କରେ ସୂଚନା ଦେଲେ ୨୦ ହଜାର ଟଙ୍କାର ପୁରସ୍କାର ରାଶି ଦେବେ ବୋଲି ଘୋଷଣା କରିଛନ୍ତି ।
ବିଶେଷକରୀ କାଠଯୋଡି ନଦୀକୂଳ ଅଞ୍ଚଳବାସୀଙ୍କୁ ସୂଚନା ପ୍ରଦାନ ପାଇଁ ନିବେଦନ କରିଛନ୍ତି ସେ । ପ୍ରକାଶଯୋଗ୍ୟ, ଗତ ବୁଧବାର ଦିନ ଭୁବନେଶ୍ବର ଘରୁ ବାହାରିବା ପରେ ଆଉ ଘରକୁ ଫେରି ନଥିଲେ ତୁଷାର । କଟକ ନେତାଜୀ ସୁବାସ ବୋଷ ବ୍ରିଜ ଉପରୁ ତାଙ୍କ ଚପଲ ମିଳିଥିବା ବେଳେ, ତ୍ରିଶୁଲିଆ ଛକ ଏବଂ ବ୍ରିଜକୁ ସଂଯୋଗ କରୁଥିବା ରାସ୍ତା ଉପରୁ ତାଙ୍କ କାର ଠାବ ହୋଇଥିଲା ।
ସେ କାଠଯୋଡ଼ି ନଦୀକୁ ଡେଇଁ ଆତ୍ମହତ୍ୟା ଉଦ୍ୟମ କରିଥିବା ସନ୍ଦେହ କରାଯାଉଛି । ଏହି ଘଟଣାର ତଦନ୍ତ କରୁଛି ବାରଙ୍ଗ ଥାନା ପୋଲିସ । ଅନ ଲାଇନ୍ ଟ୍ରେଡିଂ ବ୍ୟବସାୟରେ ବହୁ କ୍ଷତି ହେବା ପରେ ସେ ଏହି ପଦକ୍ଷେପ ନେଇଥିବା ଆଶଙ୍କା ରହିଛି ।
ତେବେ ଏହା ଅପହରଣ ନା ଆତ୍ମହତ୍ୟା ତାର ଖୋଳତାଡ କରୁଛି ପୋଲିସ । ଅଗ୍ନିଶମ ବାହିନୀ ପକ୍ଷରୁ ମଧ୍ୟ ସର୍ଚ୍ଚ ଅପରେସନ କରାଯାଉଛି । ଆଜି ତାଙ୍କର ଜଣେ ସାଙ୍ଗ ତୁଷାରଙ୍କ ସମ୍ପର୍କରେ ସୂଚନା ଦେଲେ ହଜାର ଟଙ୍କା ପୁରସ୍କାର ଦେବା ନେଇ ଏକ ଭିଡିଓ ମାଧ୍ୟମରେ ସୂଚନା ଦେଇଛନ୍ତି ।
