ଦେଶ ପାଳିବ ୭୮ ତମ ସ୍ବାଧୀନତା ଦିବସ, କଡା ସୁରକ୍ଷା ବଳୟରେ ରହିଛି ଗାନ୍ଧୀ ମାର୍ଗ
ଭୁବନେଶ୍ୱର : ଆଉ ଗୋଟିଏ ଦିନ ପରେ ସାରା ଦେଶରେ ପାଳନ କରାଯିବ ୭୮ ତମ ସ୍ୱାଧୀନତା ଦିବସ । ତେବେ ମଧ୍ୟ ରାଜ୍ୟରେ ପ୍ରସ୍ତୁତି ଆରମ୍ଭ ହୋଇଯାଇଛି । ଏଥିପାଇଁ କଡା ସୁରକ୍ଷା ବଳୟରେ ରହିଛି ଗାନ୍ଧୀ ମାର୍ଗ । ଏହା ପୂର୍ବରୁ ଗତକାଲି ଭୁବନେଶ୍ୱର ଗାନ୍ଧୀମାର୍ଗରେ ଫୁଲଡ୍ରେସ୍ ପରେଡ୍ ରିହର୍ ସଲ କରାଯାଇଛି । ଏଥର ୫୯ ଜଣ କଣ୍ଟଜେଣ୍ଟ ରାଜ୍ୟସ୍ତରୀୟ ପରେଡରେ ଯୋଗ ଦେବା ନେଇ ସୂଚନା ରହିଛି ।
ସେହିପରି ସିଆରପିଏଫ୍, ୧୨୦ ବାଟାଲିୟନ୍, ସିଆଇଏସଏଫ୍, ଟ୍ରାଫିକ୍, ବିଏଏସଏଫ୍, ଅଗ୍ନିଶମ ବାହିନୀ, ସ୍କୁଲ ଏବଂ କଲେଜ ଛାତ୍ରଛାତ୍ରୀ ମଧ୍ୟ ପରେଡରେ ଯୋଗ ଦେବା ନେଇ ସୂଚନା ରହିଛି । ତେବେ ପୋଲିସ ଡିଜି ଅରୁଣ ଷଡଙ୍ଗୀଙ୍କ ଅଧ୍ୟକ୍ଷତାରେ ଫୁଲଡ୍ରେସ୍ ପରେଡ୍ ରହିରସଲ ଶେଷ ହୋଇଛି । ପରେଡ଼ରେ ସାମିଲ ହୋଇଥିଲେ ଅର୍ଦ୍ଧସାମରିକ ଓ ସାମରିକ ବାହିନୀ ସହ ବିଭିନ୍ନ ସ୍କୁଲ କଲେଜର ଛାତ୍ରଛାତ୍ରୀ । ଚଳିତବର୍ଷ ପରେଡ଼ରେ ଆକର୍ଷଣ ସାଜିବ ଘୋଡା । ସେପଟେ ମାଓ ଅଧୁଷିତ ଜିଲ୍ଲାକୁ ମଧ୍ୟ ଆଲର୍ଟରେ ରଖାଯାଇଛି ।
