ଯାତ୍ରୀବାହି ବସ୍ ରୁ ଗଞ୍ଜେଇ ଜବତ, ଦୁଇ ଚାଲାଣକାରି ଗିରଫ 

ମୋହନା(କେନ୍ୟୁଜ):  ଗଜପତି ଜିଲ୍ଲା ଅଡବା ପୋଲିସ୍ ଶନିବାର ସକାଳ ସମୟରେ ପାଇ ଗୁଡ଼ାରୀରୁ ବ୍ରହ୍ମପୁର ଅଭିମୁଖେ ଯାଉଥିବା କାମଧେନୁ ନାମକ ଏକ ଘରୋଇ ଯାତ୍ରୀବାହି ବସ୍ରୁ ଗଞ୍ଜେଇ ଜବତ କରିବା ସହ ଦୁଇ ଚାଲାଣକାରିଙ୍କୁ ଗିରଫ କରିଛି l

ପୋଲିସ ବିଶ୍ୱସ୍ତ ସୁତ୍ର ରୁ ଖବର ପାଇ ଅଡବା ରେ ବସ୍ ଟିକୁ ଯାଞ୍ଚ କରିଥିଲା ସେଥିରୁ ଦୁଇଟି ବ୍ୟାଗ ରୁ 23 କେଜି 900 ଗ୍ରାମ ଗଞ୍ଜେଇ ଜବତ କରାଯାଇଥିଲା l ତେଵେ ଏହି ଗଞ୍ଜେଇ ବ୍ରହ୍ମପୁର ଚାଲାଣ କରାଯାଉଥିବା ପୋଲିସ ସୂଚନା ଦେଇଛି l ଗିରଫ ଅଭିଯୁକ୍ତମାନେ ହେଲେ ରାୟଗଡା ଜ଼ିଲ୍ଲା ନୂଆଗଡ଼ର ରମେଶ ନାୟକ ଏବଂ ଅଡବା ଥାନା ଜାରଗଣ୍ଡାର ମାର୍ସଲ ଲିମା l

ପୋଲିସ ବସ୍କୁ ଅଟକ ରଖିବା ସହ ବସ୍ ଡ୍ରାଇଭର ଏବଂ ବସ୍ ର କର୍ମଚାରୀମାନଙ୍କୁ ଘଟଣାରେ ସାକ୍ଷୀ ଭାବେ ରଖିଛି l ଅଟକ ବସ୍ର ଯାତ୍ରୀମାନଙ୍କୁ ଅନ୍ୟ ବସ୍ ଦ୍ୱାରା ନିଜ ନିଜ ଗନ୍ତବ୍ୟ ସ୍ଥଳକୁ ପଠାଯାଇଛି l ଗିରଫ ଅଭିଯୁକ୍ତମାନଙ୍କୁ କୋର୍ଟ ଚାଲାଣ କରାଯାଇଥିବା ତଦନ୍ତକାରି ଅଧିକାରୀ ଲକ୍ଷ୍ମଣ ବିଶ୍ରା ସୂଚନା ଦେଇଛନ୍ତି l