କଂଗ୍ରେସର ପ୍ରାଥମିକତା ସଦସ୍ୟରୁ ଇସ୍ତଫା ଦେଲେ ଟାଣୁଆ ଆଦିବାସୀ ନେତା ଜର୍ଜ ତିର୍କୀ

କେନ୍ୟୁଜ୍(ବ୍ୟୁରୋ): କଂଗ୍ରେସର ପ୍ରାଥମିକତା ସଦସ୍ୟରୁ ଇସ୍ତଫା ଦେଲେ ଜର୍ଜ ତିର୍କୀ । ନିଜ ଇସ୍ତଫା ପତ୍ର ପିସିସି ନିକଟକୁ ପଠାଇଛନ୍ତି । ଇସ୍ତଫା ଦେବା ସହ ଦିନକୁ ଦିନ କଂଗ୍ରେସ ଅସ୍ତିତ୍ୱ ହରାଉଛି । ଦଳର କୌଣସି ଭବିଷ୍ୟତ ନ ଥିବାରୁ କଂଗ୍ରେସ ଛାଡୁଥିବା ଉଲ୍ଲେଖ କରିଛନ୍ତି ଜର୍ଜ ତିର୍କୀ । ଏବେ କୌଣସି ରାଜନୈତିକ ଦଳରେ ଯୋଗ ନଦେଇ ସ୍ୱାଧୀନ ଭାବେ ଜିଲ୍ଲାର ବିଭିନ୍ନ ଦାବି ଉପରେ ସ୍ୱର ଉତ୍ତୋଳନ କରିବେ ବୋଲି କହିଛନ୍ତି । ବୀରମିତ୍ରପୁର ଆସନରୁ ୪ ଥର ବିଧାୟକ ହୋଇଥିଲେ ଜର୍ଜ ତିର୍କୀ ।

ଜେଏମ୍‌ଏମ୍‌ରୁ ୧୯୯୫ ଏବଂ ୨୦୦୦ରେ ବିଧାୟକ ହୋଇଥିଲେ । ୨୦୦୨ରେ ଜେଏମଏମ ଛାଡି ବିଜେଡିରେ ମିଶିଥିଲେ । ୨୦୦୪ରେ ବିଜେଡି ଛାଡିଥିଲେ । ୨୦୦୯ରେ ବିଧାନସଭା ନିର୍ବାଚନରେ ସ୍ୱାଧୀନ ଭାବେ ଲଢ଼ି ବିଧାୟକ ହୋଇଥିଲେ । ପରେ ୨୦୧୪ରେ ସମତା କ୍ରାନ୍ତି ଦଳ ନାଁରେ ନିଜସ୍ୱ ଦଳ ଗଠନ କରି ବୀରମିତ୍ରପିର ଆସନରୁ ଜିତିଥିଲେ । ୨୦୧୮ରେ କଂଗ୍ରେସରେ ଯୋଗ ଦେଇଥିଲେ । ୨୦୧୯ରେ ସୁନ୍ଦରଗଡ଼ ଲୋକସଭା ଆସନରୁ ଜର୍ଜ ପରାଜିତ ହୋଇଥିଲେ।