କେନ୍ୟୁଜ୍ : ଓଡ଼ିଆ ଆଇପିଏସ୍ ଅଫିସର ତଥା ଗୋଆ ପୋଲିସ ଡିଜି ପ୍ରଣବ ନନ୍ଦଙ୍କ ପରଲୋକ । ୫୭ ବର୍ଷ ବୟସରେ ହୃଦଘାତରେ ତାଙ୍କର ଦେହାନ୍ତ ହୋଇଛି। ଗୋଆରେ ଏକ ସରକାରୀ କାର୍ଯ୍ୟକ୍ରମରେ ଯୋଗ ଦେଇ ସେ ଦିଲ୍ଲୀ ଯାଇଥିଲେ। ସେଠାରେ ହୃଦଘାତରେ ତାଙ୍କର ମୃତ୍ୟୁ ଘଟିଛି। ତାଙ୍କ ବିୟୋଗରେ ବହୁ ବିଶିଷ୍ଟ ବ୍ୟକ୍ତି ଶୋକ ପ୍ରକାଶ କରିଛନ୍ତି । ୧୯୮୮ ବ୍ୟାଚ୍ ଅଗମଟ୍ କ୍ୟାଡର ଆଇପିଏସ୍ ଅଫିସର ପ୍ରଣବ ନନ୍ଦ । ଗତ ଫେବ୍ରୁଆରୀ ୨୫ରେ ସେଣ୍ଟ୍ରାଲ ଡେପୁଟେସନରୁ ଫେରି ତାଙ୍କୁ ଗୋଆକୁ ବଦଳି କରାଯାଇଥିଲା। ଏହାପରେ ଚଳିତବର୍ଷ ସେ ଗୋଆ ପୋଲିସ ଡିଜି ଭାବରେ ଦାୟିତ୍ୱ ଗ୍ରହଣ କରିଥିଲେ। ତା ପୂର୍ବରୁ ସେ ଗୋଆ, ଅରୁଣାଚଳ ପ୍ରଦେଶ, ଦିଲ୍ଲୀରେ ବହୁ ପଦ ପଦବୀରେ କାମ କରିଛନ୍ତି।
୨୦୦୧ରେ କେନ୍ଦ୍ର ଗୃହ ମନ୍ତ୍ରାଳୟ ଅଧୀନରେ ଇଣ୍ଟେଲିଜେନ୍ସ ବ୍ୟୁରୋରେ ବି କାମ କରିଛନ୍ତି ପ୍ରଣବ ନନ୍ଦ। ବିଶେଷ କରି ଆତଙ୍କବାଦ ନିରୋଧୀ ଓ କାଉଣ୍ଟର ଇଣ୍ଟେଲିଜେନ୍ସରେ ଦକ୍ଷ ଥିଲେ ପ୍ରଣବ ନନ୍ଦ। ଆଇବିରେ କାର୍ଯ୍ୟରତ ଥିବା ବେଳେ ଦେଶ ଓ ଦେଶ ବାହାରେ ଭିଭିଆଇପିଙ୍କ ସୁରକ୍ଷା ଦାୟିତ୍ୱ ସୁଚାରୁରୂପେ ତୁଲାଇଛନ୍ତି । ସେହିପରି କାବୁଲ ଓ ଆଫଗାନିସ୍ତାନରେ ଭାରତୀୟ ଦୂତାବାସରେ ନିଯୁକ୍ତି ସମୟରେ ସେ ଭାରତୀୟଙ୍କ ନିରାପତ୍ତା ଓ ଭାରତ ସରକାରଙ୍କ ବିଭିନ୍ନ ପ୍ରକଳ୍ପର ସୁରକ୍ଷା ଦାୟିତ୍ୱ ନିର୍ବାହ କରିଥିଲେ । ପୋଲିସ ବିଭାଗରେ ଉତ୍ସର୍ଗୀକୃତ ସେବା ପାଇଁ ତାଙ୍କୁ ପୋଲିସ ପଦକ, ରାଷ୍ଟ୍ରପତିଙ୍କ ବିଶିଷ୍ଟ ପୋଲିସ ସେବା, ସ୍ପେଶାଲ ଡ୍ୟୁଟି ମେଡାଲ ଆଦି ମିଳିଥିଲା। ଦିଲ୍ଲୀ ବିଶ୍ୱବିଦ୍ୟାଳୟରୁ ସ୍ନାତକ ସହ ସୋସିଓଲୋଜିରେ ସ୍ନାତକୋତ୍ତର ଡିଗ୍ରୀ ହାସଲ କରିଥିଲେ ପ୍ରଣବ ନନ୍ଦ। ତାଙ୍କ ପତ୍ନୀ ସୁନ୍ଦରୀ ନନ୍ଦ ବି ଜଣେ ଆଇପିଏସ୍ ଅଫିସର।
ମୟୁରଭଞ୍ଜ : ଭାଇ ଭାଇ ସମ୍ପର୍କରେ ଲାଗିଲା ରକ୍ତର ଛିଟା । ଭୁଲିଗଲା ସବୁ ସମ୍ପର୍କ । ପିଲାଦିନେ ଯେଉଁ…
ଆପଣ ଏହି ଗରମରେ ନିଜ ଘରେ ନିଶ୍ଚିତ ଭାବେ ଏସି ଲଗାଇଥିବେ । ଏସିର ବିଲ୍ ବି ଅଧିକ ଆସୁଥିବ…
କୋଣାର୍କ ମନ୍ଦିର । ନିଜର କଳା ଚାତୁରୀରେ ସମସ୍ତଙ୍କ ମନ ଜିଣିଛି । ଦେଶ ବିଦେଶର ଲୋକଙ୍କୁ ଚକିତ ବିସ୍ମିତ…
କଟକ : ଆସନ୍ତାକାଲି ମୁସଲମାନ ସମ୍ପ୍ରଦାୟର ଭାଇ ଭଉଣୀମାନେ ଉତ୍ସାହର ସହିତ ପାଳନ କରିବାକୁ ଯାଉଛନ୍ତି ଇଦ ଉଲ ଜୁହା…
ଭୁବନେଶ୍ୱର : ମୁଖ୍ୟମନ୍ତ୍ରୀ ଆଗତ କରିବେ ପ୍ରଥମ୍ ବଜେଟ । ନିଜ ପାଖରେ ଅର୍ଥ ବିଭାଗ ରଖିଥିବାରୁ ମୋହନ ସରକାରର…
ଜଳୁଛି ଜଙ୍ଗଲ । ଦେଶର ବିଭିନ୍ନ ଜଙ୍ଗଲରେ ନିଆଁ ଲାଗିବା ଘଟଣା ଥମିବାର ନାଁ ଧରୁନାହିଁ । ଉତ୍ତରାଖଣ୍ଡ ଓ…