ଶିକ୍ଷକଙ୍କ ଘରୁ ସଶସ୍ତ୍ର ଡକାୟତି, ଲକ୍ଷାଧିକ ଟଙ୍କାର ସୁନା ଅଳଙ୍କାର ଲୁଟ
ମାର୍ଶାଘାଇ : ଶିକ୍ଷକଙ୍କ ଘରୁ ସଶସ୍ତ୍ର ଡକାୟତି । କେନ୍ଦ୍ରାପଡା ପାଟକୁରା ଥାନା ନାରାୟଣପୁର ଗାଁରେ ସଶସ୍ତ୍ର ଡକାୟତି ହୋଇଛି । ବିଳମ୍ବିତ ରାତରେ ୪ ଜଣ ଦୁର୍ବୁତ୍ତ ମାରଣାସ୍ତ୍ର ଧରି ଲୁଟ୍ କରିଛନ୍ତି । ଶିକ୍ଷକ ବଂଶୀଧର ରାଉତରାୟଙ୍କ ଘରୁ ଲୁଟ୍ ହୋଇଛି । ବଂଶୀଧର ଓ ପତ୍ନୀ ସ୍ବଣ୍ଣପ୍ରଭା ଘରେ ଥିବା ବେଳେ ସେମାନଙ୍କୁ ମରଣାନ୍ତକ ଆକ୍ରମଣ କରି ଲକ୍ଷାଧିକ ଟଙ୍କାର ସୁନା ଅଳଙ୍କାର, ଦୁଇଟି ମୋବାଇଲ, ନଗଦ ଦୁଇ ଲକ୍ଷ ଟଙ୍କା ଲୁଟି ନେଇଛନ୍ତି ।
ଆହତ ଦମ୍ପତିଙ୍କୁ ପାଟକୁରା ମେଡିକାଲରେ ଭର୍ତ୍ତି କରାଯାଇଛି । ଅଭିଯୋଗ ପାଇ ତଦନ୍ତ ଆରମ୍ଭ କରିଛି ପୋଲିସ । ପୂର୍ବ ଶତ୍ରୁତାକୁ କେନ୍ଦ୍ର କରି ପାଖ ଗାଁର କିଛି ଯୁବକ ଏଭଳି କାଣ୍ଡ କରିଥିବା ବଂଶୀଧର ଓ ଗ୍ରାମବାସୀ ଅଭିଯୋଗ କରିଛନ୍ତି । ଘଟଣାରେ ପୋଲିସ ୩ ଜଣଙ୍କୁ ଅଟକ ରଖି ତଦନ୍ତ କରୁଛି । ଅଭିଯୁକ୍ତ ମାନଙ୍କୁ ଧରି ଦୃଷ୍ଟାନ୍ତମୂଳକ ପଦକ୍ଷେପ ନେବାପାଇଁ ଦାବି କରିଛନ୍ତି ଗାଁ ଲୋକେ।
