ବାଙ୍କୀ : ଜମିଜମା ବିବାଦକୁ ନେଇ ହଣାକଟା । ପୂର୍ଵ ଶତ୍ରୁତାରୁ ଗାଁ ଦାଣ୍ଡରେ ୩ଜଣଙ୍କୁ ଗୋଡ଼ାଇ ଗୋଡ଼ାଇ ମାରଣାସ୍ତ୍ରରେ ହାଣିଲେ ଦୁର୍ବୃତ୍ତ । ତିନି ଗୁରୁତର ବାଙ୍କୀ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି । ବାଙ୍କୀ ଥାନା ବରପୁଟ ଗ୍ରାମ ପଞ୍ଚାୟତର ପାଥପୁର ଗାଁରେ ଜମି ଜମାକୁ ନେଇ ପୂର୍ଵ ଶତ୍ରୁତାରୁ ମାରଣାସ୍ତ୍ରରେ ଗୋଡ଼ାଇ ଗୋଡ଼ାଇ ହାଣିଲେ ଛଅ ଜଣ ସଂପର୍କୀୟ ।
ଆଜି ନିଜ ଜମିକୁ ଆନନ୍ଦ ରାଉତ ଯାଉଥିବା ବେଳେ ସଂପର୍କୀୟ ଛଅ ଜଣ ସଂଘବଦ୍ଧ ଭାବେ ଗୋଡ଼ାଇ ଗୋଡ଼ାଇ ହାଣିଥିଲେ । ଚିତ୍କାର ଶୁଣି ଭାଇ ଓ ପୁଅ ଆସିବାରୁ ଏହି ଦୁଇ ଜଣଙ୍କୁ ମଧ୍ୟ ହାଣିଥିଲେ ଦୁର୍ବୃତ୍ତ। ଦୁଇ ଜଣଙ୍କୁ ରକ୍ତ ଜୁଡୁବୁଡୁ ଅବସ୍ଥାରେ ବାଙ୍କୀ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ହେଲେ ଅବସ୍ଥା ସଂକଟାପନ୍ନ ହେବାରୁ କଟକ ବଡ ଡାକ୍ତରଖାନାକୁ ସ୍ଥାନାନ୍ତରିତ କରା ଯାଇଛି । ଆହାତଙ୍କ ପତ୍ନୀ ବନିତା ରାଉତ ବାଙ୍କୀ ଥାନାରେ ଏତଲା ଦାୟର କରିଛନ୍ତି । ପୋଲିସ ବାଙ୍କୀ ଉପଖଣ୍ଡ ଚିକିତ୍ସାଳୟରେ ପହଞ୍ଚି ତଦନ୍ତ କରୁଛି ।
Also read: ପାରିବାରିକ କଳହର କରୁଣ ପରିଣତି, ଧାରୁଆ ଅସ୍ତ୍ରରେ ସ୍ତ୍ରୀର ବେକ କାଟିଲା ସ୍ୱାମୀ