ମୋହନା(କେନ୍ୟୁଜ୍) : ଗଜପତି ଜିଲ୍ଲା ମୋହନା ଥାନା ଅନର୍ଗତ ମୋହନା ତହସିଲ କାର୍ଯ୍ୟାଳୟ ସମ୍ମୁଖରୁ ଦୋକାନ ତାଲା ଭାଙ୍ଗି ଲକ୍ଷାଧିକ ଟଙ୍କାର ସାମଗ୍ରୀ ଚୋରି ହୋଇଛି । ଗତକାଲି ବିଳମ୍ୱିତ ରାତିରେ ମୋହନା ସହର ତହସିଲ କାର୍ଯ୍ୟାଳୟ ସମୁଖ ରେ ଥିବା ମୁଖ୍ୟ ରାସ୍ତା କଡ଼ରୁ ଦୁଇଟି ଦୋକାନର ତାଲା ତାଲା ଭଙ୍ଗା ଯାଇଥିବା ଦେଖାଯାଇଛି ।
ଦୋକାନ ମାଲିକ ସକାଳୁ ଏ ସମ୍ପର୍କ ରେ ଜାଣିଲା ପରେ ପୋଲିସକୁ ଖବର ଦେଇଥିଲେ । ପୋଲିସ ଉପସ୍ଥିତିରେ ତଦନ୍ତ କରିବା ପରେ ଦୋକାନରୁ କିଛି ସାମଗ୍ରୀ ସହିତ ଦୋକାନରେ ଥିବା କିଛି ଟଙ୍କା ଚୋରି ହୋଇଥିବା ସେ ଜାଣିବାକୁ ପାଇଥିଲେ । ପୋଲିସ ଘଟଣା ସ୍ଥଳରେ ପହଂଚି ତନାଘନା ଜାରି ରଖିଛି ।
ବର୍ତ୍ତମାନ ପାର୍ବଣ ପାଇଁ ମୋହନା ଅଞ୍ଚଳରେ ବିଭିନ୍ନ ସ୍ଥାନରେ ବେଆଇନ ଜୁଆ ଖେଳ ଚାଲିଥିବା ବେଳେ ଚୋରି ବଢିବାର ଆଶଙ୍କା ବହୁପରିମାଣରେ ରହିଛି । ତେଣୁ ପୋଲିସ ସୁରକ୍ଷା ବ୍ୟବସ୍ଥାକୁ ସୁଦୃଢ କରିବା ପାଇଁ ସାଧାରଣରେ ଦାବି ହୋଇଛି ।